_New.gif)
.gif)
.jpg)
.png)
काठमाण्डो । अपर तामाकोशी हाईड्रोपावर लिमिटेडले भुक्तानी हुन बाँकी लिलामीमा सेयर नपाएका लगानीकर्ताको पैसा फिर्ता गर्ने भएको छ । कम्पनीले एक सूचना जारी गर्दै लिलामीमार्फत बिक्री गरिएको सर्वसाधारण समूहको अवितरित हकप्रद सेयरको लिलामीमा सेयर नपाएका केहि लगानीकर्ताको भुक्तानी हुन बाँकी पैसा फागुन १६ गतेदेखि फिर्ता गर्ने जनाएको हो ।
कम्पनीले गत पुस १३ गतेदेखि २९ गतेसम्म सर्वसाधारण समूहतर्फको १ करोड ७० लाख ११ हजार ५३० कित्ता अवितरित हकप्रद सेयर लिलामीमार्फत बिक्रीमा राखेको थियो । सनराइज क्यापिटल बिक्री प्रबन्धक रहेको उक्त सेयरको बाँडफाँड माघ १७ गते गरिएको थियो ।
कम्पनीले बाँडफाँडमा नपरेका आवेदकको सेयरबापतको रकम फिर्ता भुक्तानी ४ कार्यदिनदेखि आवेदन फारममा उल्लेख गरेको बैंक तथा वित्तीय संस्थाको खातामा आईपीएसमार्फत फिर्ता भुक्तानी गरिएको जनाएको छ ।
तर केहि आवेदकको आवेदन फारममा उल्लेख गरेको बैंक तथा वित्तीय संस्थाको खाता नम्बर तथा बैंक विवरण नमिलेका कारण आईपीएसमार्फत भुक्तानी हुन नसकेको कम्पनीले जनाएको छ । कम्पनीले आईपीएसमार्फत भुक्तानी हुन नसकेकाहरुलाई फागुन १६ गतेदेखि भुक्तानीको व्यवस्था गर्न लागेको जनाएको छ ।
त्यस्ता लगानीकर्तालाई काठमाण्डौ उपत्यकाभित्र नागरिक लगानी कोषमा दरखास्त आवेदन बुझाएकाको हकमा नागरिक लगानी कोष नयाँ बानेश्वरबाट तथा लक्ष्मी सनराइज क्यापिटलमा बुझाएकाको हकमा लक्ष्मी सनराइज क्यापिटल कमलपोखरीबाट चेक बुझिलिन कम्पनीले आह्वान गरेको छ ।
उपत्यका बाहिर दरखास्त बुझाएकाको हकमा एलएस क्यापिटलको फोन नम्बरमा सम्पर्क गरी आफ्नो बैंक खाता नम्बर लगायतका जानकारी अद्यावधिक गरेपश्चात आईपीएसमार्फत रकम भुक्तानी गरिने कम्पनीले जनाएको छ ।
.png)
(1).jpg)
.jpg)
.png)
.gif)
