सार्वजनिक स्थानका वाईफाई प्रयोग गरी विद्युतीय बैंकिङ कारोबार गर्दा सचेत रहन आग्रह

काठमाण्डौ । नेपाल राष्ट्र बैंकले डिजिटल बैंकिङका लागि आवश्यक सतर्कता अपनाउन आग्रह गरेको छ । केन्द्रीय बैंकले वित्तीय साक्षरतासम्बन्धी एक सूचना जारी गर्दै यस्तो आग्रह गरेको हो ।  

डिजिटल बैंकिङ कारोबारको लागि सार्वजनिक, निःशुल्क वा अन्य कुनै पनि ग्लकभअगचभम नेटवर्क प्रयोग गर्दा बैंकिङ विवरणमा अनधिकृत व्यक्तिको पहुँच पुग्ने जोखिम हुने राष्ट्र बैंकले जनाएको छ । यस्ता नेटवर्कमा विभिन्न ह्याकर र वित्तीय अपराधीहरूसमेत जोडिएका हुन सक्छन् । 

जसले महत्वपूर्ण वित्तीय विवरणमा पहुँच पुर्याई सोको दुरुपयोग गर्न सक्ने राष्ट्र बैंकले उल्लेख गरेको छ । तसर्थ, आफ्नो व्यक्तिगत तथा बैकिङ विवरणको सुरक्षा सुनिश्चित गर्न सुरक्षित र विश्वसनीय नेटवर्कमार्फत मात्र अनलाइन बैंकिङ कारोबार गर्नुपर्छ ।  

साथै, अनलाइन बैंकिङ कारोबार गर्दा बैंकको आधिकारिक वेबसाइट र एप्लिकेसनको प्रयोग गरी, कारोबार गर्ने पासवर्ड र पिन कोड समय-समयमा परिवर्तन गर्नुपर्दछ । सार्वजनिक स्थानका वाईफाई नेटवर्क प्रयोग गरी विद्युतीय बैंकिङ कारोबार गर्दा सचेत रहन समेत राष्ट्र बैंकले सूचित गरेको छ ।