(1).gif)
(2).gif)
.jpg)
(1).gif)
.png)
काठमाण्डौ । नेपाल राष्ट्र बैंकले विदेशी नगद मुद्रा नेपालमा भित्र्याउने र नेपालबाट बाहिर लैजानेसम्बन्धी सूचना जारी गरेको छ । राष्ट्र बैंकको विदेशी विनिमय व्यवस्थापन विभागले यससम्बन्धी सूचना जारी गरेको हो ।
जसअन्तर्गत नेपाली वा विदेशी नागरिकले नगद विदेशी मुद्रा अमेरिकी डलर ५ हजारसम्म (भारतीय रुपैयाँको हकमा अमेरिकी डलर ५ हजारबराबर हुन आउने भारतीय रुपैयाँसम्म र यस बैंकबाट विनिमय दर प्रकाशन नहुने अन्य विदेशी मुद्राको हकमा समेत अमेरिकी डलर ५ हजारबराबर सम्म) भन्सार घोषणा बिना नेपालमा भित्र्याउन सक्ने व्यवस्था रहेको राष्ट्र बैंकले जनाएको छ ।
.gif)
.gif)
सोभन्दा बढी रकमको हकमा भने भन्सार घोषणा गरी प्रमाणित गराउनु पर्ने व्यवस्था रहेको छ । राष्ट्र बैंकबाट मिति २०७५ असार ३२ र २०७५ चैत २६ मा प्रकाशित सूचनाहरु बमोजिम गर्नु÷गराउन विदेशी विनिमय (नियमित गर्ने( ऐन, २०१९ को दफा १२ ले दिएको अधिकार प्रयोग गरी पुनः सूचना प्रकाशित गरिएको केन्दूीय बैंकले जनाएको छ ।
विसं २०७५ पुस २३ गते नेपाल राजपत्रमा प्रकाशित सूचना (खण्ड ६८, संख्या ४७ भाग ५) बमोजिम कसैले पनि सन् २०१६ नोभेम्बर ९ भन्दा अगाडि चलनचल्तीमा रहेका भारतीय रुपैयाँ ५०० र १००० दरका नोटको कारोबार गर्न तथा भारतीय रुपैयाँ २००, ५०० र २००० दरका नोट साथमा राख्न, ओसार पसार गर्न र कारोबार गर्न नपाइने व्यवस्था रहेको समेत सूचनामा उल्लेख छ ।
साथै, नेपाली नागरिकले भारत बाहेक अन्य मुलुकमा भारतीय रुपैयाँ लैजान वा अन्य मुलुकबाट भारतीय रुपैयाँ नेपाल ल्याउन नपाउने व्यवस्था रहेको व्यहोरा समेत पुनः जानकारी गराइएको छ ।
.png)
.jpg)
(59)(2)(328).png)
(59)(2)(327).png)
.jpg)
.jpg)
