अब आईफोनको मूल्यमै रोबोट किन्न सकिने : चिनियाँ कम्पनीले मच्चायो हलचल, पहिलो घण्टामै बिक्यो १०० थान

 

काठमाण्डौ । बजारमा रोबोटको सस्तो संस्करण आउन थालेपछि विभिन्न देशले आफ्ना रोबोट ल्याउन थालेका छन् । यस्तोमा एक चिनियाँ कम्पनीले आईफोनको मूल्यमा रोबोट लञ्च गरेको छ ।

चिनियाँ स्टार्टअप नोइटिक्स रोबोटिक्सले ह्युमनोइड रोबोट ‘बुमी’ लन्च गरेको छ । यो रोबोटको मूल्य एउटा प्रिमियम आइफोन जत्तिकै छ । यसलाई ९,९९८ युआनमा किन्न सकिन्छ।

चीनको नोइटिक्स रोबोटिक्सले रोबोटहरू अब धनी वा कारखानाका लागि मात्र नभएको प्रमाणित गरेको छ। कम्पनीले भर्टेक्स भेन्चरको नेतृत्वमा ४१ मिलियन डलरको कोष जुटाएको छ। यो कम्पनीले आफ्नो बिक्रीको पहिलो घण्टामा १ सय भन्दा बढी रोबोट बेचेको छ। यो कम्पनीले बालबालिकाको साथी बन्न र उनीहरुलाई विभिन्न कुरा सिकाउन ९४ सेमी अग्लो रोबोट डिजाइन गरेको छ ।

बुमी नामको यो रोबोटको कम मूल्यको बारेमा नोइटिक्सका संस्थापक जियाङ झेयुआनले तीनवटा ठूला परिवर्तन गरेको बताए ।  जसका कारण रोबोटको मूल्य कम हुन गएको हो। पहिले उनीहरुले कन्ट्रोल बोर्ड र मोटर चालक आफैं बनाएर बाहिरबाट किनेनन् । दोस्रो, रोबोटलाई हल्का बनाउनको लागि मिश्रित सामग्रीहरू प्रयोग गरे र आवश्यक ठाउँहरूमा मात्र धातु थपे।

जसका कारण रोबोटको तौल १२ किलो घट्यो ।यस्तै रोबोटमा साना मोटर र ब्याट्री प्रयोग गर्न सम्भव भयो। तेस्रो, यस रोबोटको लगभग शतप्रतिशत भाग चीनमा बनेको थियो, जसले लजिस्टिक लागत बचत गर्यो र छिटो उत्पादन सक्षम भयो ।

यो रोबोट शिक्षा र मनोरञ्जनका लागि बनाइएको हो । यसको साइज बालबालिकालाई नडराउने र घर वा विद्यालयमा सजिलै फिट हुने गरी राखिएको छ ।