एनआईसी एशिया बैंक र सूर्यज्योति लाइफबीच रणनीतिक सहकार्य, बीमित र अभिकर्तालाई लाइफटाइम निःशुल्क क्रेडिट कार्ड

काठमाण्डौ । एनआईसी एशिया बैंक लिमिटेड र सूर्यज्योति लाइफ इन्स्योरेन्स कम्पनी लिमिटेडबीच रणनीतिक सहकार्यको सम्झौता भएको छ । सम्झौताअनुसार सूर्यज्योति लाइफका बीमित तथा बीमा अभिकर्ताहरूले एनआईसी एशिया बैंकबाट लाइफटाइम निःशुल्क क्रेडिट कार्ड सेवा प्राप्त गर्नेछन् ।

काठमाडौँमा आयोजित एक कार्यक्रमका बीच दुई संस्थाबीच समझदारी पत्रमा एनआईसी एशिया बैंकका प्रमुख कार्यकारी अधिकृत सुजित कुमार शाक्य र सूर्यज्योति लाइफ इन्स्योरेन्सका प्रमुख कार्यकारी अधिकृत प्रकाश विक्रम खत्रीले हस्ताक्षर गरेका हुन्।

यस सहकार्यबाट सूर्यज्योति लाइफका बीमित तथा अभिकर्ताहरूले वार्षिक शुल्क तिर्नु नपरी क्रेडिट कार्ड प्राप्त गर्न सक्नेछन् । बैंकका अनुसार यसले आकस्मिक वित्तीय आवश्यकताको व्यवस्थापन गर्न सहज बनाउनुका साथै डिजिटल भुक्तानी प्रणालीको प्रयोगलाई समेत प्रोत्साहन गर्नेछ ।

ग्राहकलाई परिष्कृत र सुलभ बैंकिङ सेवा प्रदान गर्ने उद्देश्यका साथ गरिएको यो सहकार्यले सूर्यज्योति लाइफमा आबद्ध बीमित तथा अभिकर्ताहरूलाई डिजिटल अर्थतन्त्रमा थप मजबुत रूपमा जोड्ने विश्वास बैंकले लिएको जनाएको छ।