महासंघको वस्तुगत संघतर्फ को–को भए निर्वाचित ?

काठमाण्डौ। नेपाल उद्योग वाणिज्य महासंघको वस्तुगत संघतर्फका सदस्यको अन्तिम मतपरिणाम सार्वजनिक भएको छ। वस्तुगत संघतर्फ ११ जना सदस्य निर्वाचित भएसँगै महासंघभित्रको क्षेत्रगत प्रतिनिधित्व लगभग टुंगिएको छ।

तर चार उम्मेदवारबीच समान ५०/५० मत आएपछि गोल प्रथाबाट दुई जना चयन गर्नुपर्ने अवस्था सिर्जना भएको छ ।

निर्वाचित सदस्यहरुमा अरनिको राजभण्डारी, नानीराज घिमिरे, पशुपतिदेव पाण्डे, विदुर धमला, भक्तबहादुर हमाल, रवीन पुरी, राजकुमार कार्की, लीलेन्द्र प्रधान, संघर्ष विष्ट, सागर ढकाल र होमप्रसाद घिमिरे रहेका छन्।

निराजन चलाउने, रघुनन्दन मारु, विप्लव अधिकारी र सुरज बञ्जाडेको समान ५० मत पाएपछि गोल प्रथाबाट दुई जना निर्वाचित गर्ने तयारी छ ।

यसैबीच, वस्तुगत महासंघतर्फ सुनैना घिमिरे र विश्वनाथ खनाल विजय भएका छन् । द्विराष्ट्रियतर्फ मनोज पौडेलको जीत भएको छ । 

नेपाल मलेसिया उद्योग वाणिज्य संघको प्रतिनिधित्व गर्ने उनले आफ्ना प्रतिष्पिर्धी सन्तोष कुमार चन्दलाई पछि पार्दै ५ मत प्राप्त गरेका छन् ।