(3).gif)
(2).gif)
(4).gif)
.png)
काठमाण्डौं । सम्पत्ति शुद्धीकरणसम्बन्धी अनुसन्धानमा रहेका पूर्वप्रधानमन्त्री शेरबहादुर देउवा र पूर्वपरराष्ट्रमन्त्री तथा उनकी पत्नी आरजु राणा देउवाविरुद्ध तत्काल रेड नोटिस जारी गर्न नसकिने भन्दै इन्टरपोलले जवाफ पठाएको छ।
सम्बन्धित कसुरसँग जोडिने पर्याप्त आधार र रेड नोटिस जारी गर्न आवश्यक कानुनी सर्तहरू पूरा नभएको भन्दै इन्टरपोलले प्रक्रिया अघि बढाउन अस्वीकार गरेको स्रोतहरूले जनाएका छन्।
(1).gif)
(2).gif)
सम्पत्ति शुद्धीकरण अनुसन्धान विभागको अनुरोधपछि जिल्ला अदालत काठमाडौंले २४ चैत २०८२ मा देउवा दम्पतीविरुद्ध पक्राउ पुर्जी जारी गरेको थियो।
त्यसपछि विभागले पक्राउ पुर्जी र अनुसन्धान विवरणसहित इन्टरपोलमार्फत रेड नोटिस जारी गर्न औपचारिक प्रक्रिया अघि बढाएको थियो।
तर, इन्टरपोलले प्रारम्भिक मूल्याङ्कनका क्रममा कसुरसँग प्रत्यक्ष जोडिने आधार स्पष्ट नदेखिएको र एकैपटक सम्पत्ति शुद्धीकरणसम्बन्धी अनुसन्धान अघि बढाइएको विषयमा पनि प्रश्न उठाएको बताइएको छ।
.gif)
(1).gif)
देउवा दम्पती हाल विदेशमा रहेको बताइए पनि उनीहरूको स्थानबारे औपचारिक पुष्टि भएको छैन।
उनीहरू जेन–जी आन्दोलनका क्रममा भएको घटनापछि उपचारका लागि विदेश गएका र त्यसपछि पटक–पटक बाहिरिने–फर्किने गरेका विवरणहरू सार्वजनिक भएका थिए।
सरकारी निकायहरूले उनीहरूलाई सम्पत्ति शुद्धीकरण अनुसन्धानको दायरामा ल्याएपछि राजनीतिक वृत्तमा यो विषय थप संवेदनशील बनेको छ।
तर, इन्टरपोलको पछिल्लो संकेतले अन्तर्राष्ट्रिय स्तरमा कानूनी प्रक्रिया अझै अपूर्ण रहेको देखिएको छ।
.gif)
(1).gif)
(2).gif)
.png)
.jpg)
(1).gif)
