नेपाल हाइड्रो डेभलोपरले कमायो रु.५.३१ करोड नाफा, इपीएस १६.५५ रुपैयाँ

काठमाण्डौ । नेपाल हाइड्रो डेभलोपर लिमिटेडले चालु आवको तेस्रो त्रैमाससम्म ५ करोड ३१ लाख रुपैयाँ नाफा कमाएको छ ।  

कम्पनीले कमाएको यो नाफा गत आवको सोही अवधिसम्मको तुलनामा ६.७१ प्रतिशत बढी हो । गत आवको सोही अवधिसम्म कम्पनीले ४ करोड ९८ लाख रुपैयाँ नाफा कमाएको थियो । 

सो अवधिसम्म कम्पनीको विद्युत बिक्रीबाट हुने आम्दानीमा सुधार देखिएसँगै नाफा वृद्धि भएको हो । कम्पनीले बिजुली बेचेरै ९ करोड ४२ लाख रुपैयाँ आम्दानी गरेको छ । यो आम्दानी गत आवको सोही अवधिसम्मको तुलनामा ४.३९ प्रतिशत बढी हो ।

कम्पनीको इपीएस १७.११ रुपैयाँबाट घटेर १६.५८ रुपैयाँ कायम भएको छ भने प्रतिसेयर नेटवर्थ १२३.६० रुपैयाँ, पीई रेसियो ३९.५१ गुणा र आरओए ११.११ प्रतिशत रहेको छ ।