सतर्कता केन्द्रको अनुगमनमा ४ हजारभन्दा बढी कर्मचारी कारबाही सिफारिसमा

काठमाण्डौं । राष्ट्रिय स्वतन्त्र पार्टी नेतृत्वको सरकारले सरकारी कार्यालयहरूमा कर्मचारीमाथिको निगरानी कडा बनाएको छ।  

प्रधानमन्त्री बालेन्द्र शाह नेतृत्वको सतर्कता केन्द्रले चैत १३ यता ३६२ सरकारी कार्यालयको अनुगमन गर्दै ४ हजार १८८ कर्मचारीलाई कारबाहीका लागि सिफारिस गरेको जनाएको छ।

सतर्कता टोलीले कार्यालय समय, ई–हाजिरी, पोसाक, कार्यकक्षमा उपस्थिती तथा फाइल व्यवस्थापनको आधारमा निगरानी गरिरहेको छ।  

बिहान ९्:०५ पछि कार्यालय पुग्ने वा ५ बजेअघि निस्किने कर्मचारीमाथि स्पष्टीकरण सोध्ने र कारबाही सिफारिस गर्ने गरिएको छ।

कारबाही सिफारिसमध्ये ३ हजार ३०१ जना समयपालन र कार्यकक्षमा अनुपस्थितिको कारण परेका छन् भने ८७८ जना पोसाकसम्बन्धी नियम उल्लंघनमा परेका छन्।  

सहसचिवदेखि कार्यालय सहयोगीसम्म निगरानीको दायरामा परेका छन्। 

सरकारले यसलाई सुशासन र कार्यक्षमता सुधारको प्रयास भनेको छ। 

केही कर्मचारीले कार्यालय अनुशासन र कामको गति बढेको बताएका छन् भने अर्कोतर्फ अत्यधिक निगरानीका कारण त्रास र दबाब बढेको गुनासो पनि गरेका छन्।

राजकुमार श्रेष्ठ ले भने नयाँ सरकारसँग तालमेल मिलाउन समय लाग्ने बताएका छन्।