एनआईबिएल स्टेबल फण्डका इकाईमा आवेदन दिने म्याद लम्बियो

काठमाण्डौ । एनआईएमबी एस क्यापिटल लिमीटेडको योजना व्यवस्थापन र नेपाल इन्भेष्टमेन्ट मेगा बैंकको कोष प्रवद्र्धन रही निश्कासन भएको ‘एनआईबिएल स्टेबल फण्ड’का इकाई खरीदका लागि आवेदन दिने समय लम्बिएको छ ।

एनआईबिएल म्युचुअल फण्डअन्तर्गत निश्कासन गरिएको बन्दमुखी ‘एनआईबिएल स्टेबल फण्ड’का इकाईहरु खरीदका गर्न चाहनेका लागि आवेदन दिने समय माघ १६ गतेसम्मका लागि लम्बाइएको छ ।

यो फण्डका १० रुपैयाँ दरका १० करोड इकाईहरुको बिक्री माघ २ गतेदेखि खुलेको थियो । जसमा शुक्रबारसम्ममा ३५ हजार ३३५ बाट ७ करोड ८५ लाख ८१ हजार बढी इकाई खरीदका लागि आवेदन दिएका छन् । त्यसमध्ये ३८५७ आवेदनमार्फत युनिट खरीदका लागि माग भएको १ करोड ३० लाख ६० हजार ८७० इकाईहरु रद्द भएको बताइएको छ । यहीकारण पनि इकाई खरीदका लागि आवेदन दिने समय लम्बाउनुपरेको बताइएको छ ।