.gif)
(1).gif)
.jpg)
_(1).gif)
.png)
काठमाण्डौ । प्रिमियम मूल्यमा आईपीओ निष्कासन गरेको आइएमई लाइफ इन्स्योरेन्स कम्पनीले चालु आर्थिक वर्षको तेस्रो त्रैमाससम्ममा सूचीकृत पब्लिक कम्पनीको सेयरमा कुल ५६ करोड ५३ लाख रुपैयाँ लगानी गरेको छ ।
कम्पनीले व्यवसायसँगै लगानीको दायरा समेत बढाउँदै लगेको छ । गत वर्षको तेस्रो त्रैमाससम्मको तुलनामा कम्पनीले ८०५.९३ प्रतिशतले सेयरबजारमा गरेको लगानी बढाएको छ । गत वर्षको तेस्रो त्रैमाससम्म कम्पनीले सूचीकृत पब्लिक कम्पनीको साधारण सेयरमा ६ करोड २४ लाख रुपैयाँ लगानी गरेको थियो ।
तर, गत वर्षको चौथो त्रैमाससम्म आइपुग्दा कम्पनीको सेयरबजारमा लगानी दोस्रो त्रैमाससम्मको तुलनामा ४०.५४ प्रतिशतले घटेको वार्षिक प्रतिवेदनले देखाएको छ । कम्पनीले सार्वजनिक गरेको आव २०७९÷८० को वार्षिक प्रतिवेदनअनुसार कम्पनीले गत आवको अन्त्यसम्म सूचीकृत पब्लिक कम्पनीको साधारण सेयरमा कुल ३ करोड ७१ लाख रुपैयाँ लगानी गरेको छ ।
प्रतिवेदनअनुसार कम्पनीले बैंक तथा वित्तीय संस्था, हाइड्रो कम्पनी, बीमा कम्पनी र एउटा सामूहिक लगानी कोष तथा म्युचुअल फण्डमा लगानी गरेको देखिएको छ ।
गत वर्ष कम्पनीले सर्वाधिक वाणिज्य बैंकहरुको सेयरमा लगानी गरेको देखिएको छ । कम्पनीले गत वर्षमा १० वटा वाणिज्य बैंकको सेयरमा मात्रै २ करोड २१ लाख रुपैयाँ लगानी गरेको छ । सर्वाधिक नेपाल बैंकको सेयरमा कुल ३३ लाख ५३ हजार रुपैयाँ लगानी गरेको देखिएको छ ।
त्यस्तै, विकास बैंकतर्फ शाइन रेसुङ्गा डेभलपमेन्ट बैंकको सेयरमा ७६ हजार रुपैयाँ मात्रै लगानी गरेको देखिएको छ ।
आइएमई लाइफले बीमा कम्पनीतर्फ भने ५ वटा निर्जीवन बीमा कम्पनीको सेयरमा कुल १ करोड ४३ लाख रुपैयाँ लगानी गरेको छ । जसमध्ये सर्वाधिक प्रभु इन्स्योरेन्समा ५७ लाख ४६ हजार रुपैयाँ लगानी गरेको देखिन्छ ।
त्यस्तै, कम्पनीले दुईवटा हाइड्रो कम्पनीको सेयरमा ५ लाख ३४ हजार रुपैयाँ लगानी गरेको देखिएको छ । जसमध्ये आँखु खोला जलविद्युतमा ३ लाख ८५ हजार रुपैयाँ र बुटवल पावर कम्पनीमा १ लाख ४९ हजार रुपैयाँ लगानी गरेको छ ।
गत वर्षको तथ्याङ्क हेर्दा कम्पनीले अधिकांश वाणिज्य बैंकहरुको सेयरमा लगानी गरेको देखिएको छ । तर समग्रमा भने कम्पनीले प्रभु इन्स्योरेन्सको सेयरमा बढी लगानी गरेको देखिन्छ ।
कम्पनीले चालु आर्थिक वर्षको तेस्रो त्रैमाससम्म आइपुग्दा उल्लेख्य मात्रामा सेयरबजारमा लगानी बढाएको देखिन्छ । गत वर्षको तुलनामा कम्पनीको यो क्षेत्रको लगानी ८०५ प्रतिशलते बृद्धि भएको देखिन्छ । गत वर्षको वार्षिक प्रतिवेदनबमोजिम कम्पनीले अधिकांश वाणिज्य बैंकहरुको सेयरमा लगानी गरेको देखिन्छ । यसर्थ कम्पनीले यसअवधिसम्म आइपुग्दा वाणिज्य बैंककै सेयरमा लगानी थपेको हुन सक्छ ।
अर्थात् कम्पनीले सेयरबजारमा गरेको लगानी बृद्धिदरको आधारमा नेप्सेमा रहेका समूहगत सबै कम्पनीको सेयरमा लगानीको दायरा बढाएको बुझ्न सकिन्छ ।
.gif)
.png)
.jpg)
.jpg)
.jpg)
(1).jpg)
(1).png)
.gif)
.gif)
