स्थापनाको ५ वर्षपछि पहिलो साधारण सभा आयोजना गर्दै खाद्य व्यवस्था तथा व्यापार कम्पनी

काठमाण्डौ । खाद्य व्यवस्था तथा व्यापार कम्पनी लिमिटेडले स्थापना भएको करिब ५ वर्षपछि पहिलो वार्षिक साधारण सभा आयोजना गर्ने भएको छ। गत पुस ६ गते गोरखापत्र दैनिकमा पुस २७ गते कम्पनीको प्रथम वार्षिक साधारण सभा गर्ने भनी सूचना प्रकाशित भएको थियो । तर कम्पनीले विशेष कारणले मिति परिवर्तन गरी पुस  २९ गते काठमाण्डौमा सभा आयोजना गर्ने जनाएको छ।

कम्पनी सञ्चालक समितिको पुस ४ बसेको सञ्चालक समितिको बैठकले कम्पनीको प्रथम वार्षिक साधारण सभा गर्ने भनी निर्णय गरेको थियो। यो कम्पनीमा नेपाल सरकारका उद्योग, वाणिज्य तथा आपूर्ति मन्त्रालय, अर्थ मन्त्रालय, गृह मन्त्रालय र कृषि तथा पशुपक्षी विकास मन्त्रालयको सेयर रहेको छ। 

उक्त प्रथम वार्षिक साधारणसभामा कम्पनीले आव २०७६/०७७ देखि २०७९/०८० को लेखापरीक्षण प्रतिवेदन सहित असार मसान्तको वासलात, सो अवधिको नाफा–नोक्सान हिसाब तथा नगद प्रवाह विवरण लगायतका वित्तीय विवरणहरुका विषयमा छलफल गरी पारित गर्ने र कम्पनीको नियमावाली संशोधन गर्ने कार्यक्रम समेत रहेको कम्पनीले जनाएको छ।