अमेरिकामा सेनाको हेलिकप्टरसँग ठोकियो ६० यात्रु सवार जेट, १८ जनाको शव फेला

काठमाण्डौ । अमेरिकामा, अमेरिकन एयरलाइन्सको विमान वाशिंगटन डीसी नजिकै ब्ल्याक हक हेलिकप्टरसँग ठोक्किएको छ। उक्त विमानमा ६४ जना सवार थिए । विमानमा ६० यात्रु र चार चालक दलका सदस्य रहेका छन् ।

प्रहरी अधिकारीहरूले अहिलेसम्म १८ जनाको शव निकालिएको बताएका छन् । बम्बार्डियर कम्पनीको यो सीआरजे ७०० विमान वासिङ्टनबाट कन्सास जाँदै थियो । अमेरिकी सञ्चारमाध्यमहरूका अनुसार टक्करपछि विमान हावामा दुई टुक्रा भई पोटोमेक नदीमा खसेको थियो । नदीमा खोजी तथा उद्धार कार्य जारी छ ।

स्थानीय समय अनुसार राति ९ बजे रीगन वासिङ्गटन राष्ट्रिय विमानस्थलनजिकै भएको यस दुर्घटनाको अनुसन्धान सुरु भएको छ । यो विमान रेगन राष्ट्रिय विमानस्थलबाट उडेको थियो।

दुर्घटनापछि ठूलो संख्यामा आपतकालीन सेनाका सदस्य विमानस्थल पुगेका छन् । घटनास्थलमा १० भन्दा बढी एम्बुलेन्स र ट्रक पनि छन् । यो दुर्घटनामा संलग्न हेलिकप्टर अमेरिकी सेनाको ब्ल्याक हक हेलिकप्टर थियो। हेलिकप्टरमा तीन अमेरिकी सैनिक सवार थिए ।

समाचार एजेन्सी रोयटर्ससँग कुरा गर्दै एक अधिकारीले यो हेलिकप्टरमा कुनै वरिष्ठ अधिकारी नभएको तर सवार सैनिकको अवस्था पनि स्पष्ट नभएको बताएका छन् ।