सेयर बादशाह वारेन बफेटले बर्कशायर ह्याथवेका सीईओ पदबाट राजीनामा दिने

काठमाण्डौ । अर्बपति लगानीकर्ता वारेन बफेटले यस वर्षको अन्त्यमा बर्कशायर ह्याथवेको सीईओ पदबाट राजीनामा दिने घोषणा गरेका छन्। सेयर बादशाहका रुपमा परिचित ९४ वर्षीय बफेटले आफ्नो कम्पनीको वार्षिक बैठकमा कम्पनीको लगाम उपाध्यक्ष ग्रेग एबललाई सुम्पने बताए ।

उनले भने, ‘मलाई लाग्छ कि वर्षको अन्त्यमा ग्रेगलाई कम्पनीको प्रमुख कार्यकारी अधिकृत बन्ने समय आएको छ।’ बफेटले बर्कशायर ह्याथवेलाई एक पटक असफल टेक्सटाइल कम्पनीबाट हाल १.१६ ट्रिलियन डलरको ठूलो लगानी कम्पनीमा परिणत गरेका छन् ।

उनलाई विश्वकै सफल लगानीकर्ता मानिन्छ । बर्कशायर ह्याथवेसँग बीमा कम्पनी गेको, ब्याट्री निर्माता ड्युरासेल र डेयरी क्वीन जस्ता धेरै रेस्टुरेन्टहरू सहित ६० भन्दा बढी कम्पनीहरू छन्।

यसबाहेक एप्पल, कोकाकोला, बैंक अफ अमेरिका र अमेरिकन एक्सप्रेस जस्ता कम्पनीहरूमा पनि उनको ठूलो हिस्सा छ। गत महिना ब्लूमबर्गका अनुसार, वारेन बफेट विश्वको चौथो धनी व्यक्ति थिए, जसको कुल सम्पत्ति १५४ अर्ब डलर थियो ।  

एप्पलका सीईओ टिम कुकले पनि बफेटको सेवानिवृत्तिको बारेमा फेसबुकमा पोस्ट गरेका छन्। उनले लेखेका छन्, ‘वारेन जस्तो कोही छैन, र म उहाँको बुद्धिबाट गहिरो प्रेरित भएका अनगिन्ती मानिसहरूमध्ये एक हुँ।’