एमाले नेता प्रदीप नेपालको निधन

काठमाण्डौ । पूर्वमन्त्री तथा नेकपा एमालेका नेता प्रदीप नेपालको निधन भएको छ ।  

थापाथलीस्थित नर्भिक अस्पतालमा पछिल्लो समय ५ दिनदेखि उपचार गराइरहेका नेता नेपालको केहीबेरअघि निधन भएको अस्पताल स्रोतले जनाएको छ । 

'उहाँको भर्खरै निधन भएको छ । हामी केहीबेरपछि नै त्यसको डिक्लेयर गर्दैछौं ।' उच्च स्रोतले भन्यो-'नेता नेपालको निधनप्रति हामी स्तब्ध छौं ।'

एमालेमा बौद्धिक र शालिन नेताको रुपमा चिनिने नेपाल लामो समयदेखि पार्किन्सन रोगबाट पीडित छन् । केही वर्षदेखि उनी राजनीतिक गतिविधिमा निष्क्रिय थिए ।