(1).gif)
(2).gif)
(1).jpg)
(1).gif)
.png)
काठमाण्डौ । कुमारी बैंक लिमिटेडले गत आवको चौथौ त्रैमाससम्मको अपरिष्कृत वित्तीय विवरण सार्वजनिक गरेको छ । जसअनुसार बैंकको नाफा ४५८२२ प्रतिशतले बढेको छ । बैंकले यो अवधिसम्म २ अर्ब ११ करोड रुपैयाँबराबरको खुद नाफा आर्जन गरेको छ ।
अघिल्लो आवमा भने बैंकले ४६ लाख ८ हजार रुपैयाँ मात्रै खुद नाफा आर्जन गरेको थियो । बैंकको खुद ब्याज आम्दानीमा पनि बढेको छ । बैंकले ११ अर्ब ५५ करोड रुपैयाँबराबरको खुद ब्याज आम्दानी गरेको छ । यो रकम अघिल्लो आवको तुलनामा ६.९५ प्रतिशतले बढी हो ।
यस्तै बैंकले २ अर्ब ६७ करोड रुपैयाँबराबरको खुद शुल्क तथा कमिशन आम्दानी गरेको छ । अघिल्लो आवमा भने बैंकले २ अर्ब ९ करोड रुपैयाँबराबरको खुद शुल्क तथा कमिशन आम्दानी गरेको थियो । चौथो त्रैमाससम्म बैंकको खुद सञ्चालन आम्दानी ११ अर्ब ३३ करोड र सञ्चालन मुनाफा ६ अर्ब १३ करोड रुपैयाँ रहेको छ ।
.gif)
.gif)
अघिल्लो आवमा ६ अर्ब ८४ करोड रुपैयाँ रहेको बैंकको इम्पेयरमेन्ट चार्ज घटेर २ अर्ब ७६ करोड रुपैयाँमा सीमित बनेको छ । रिटेन्ड अर्निङ २ अर्ब ७९ करोड रुपैयाँले ऋणात्मक रहेको बैंकको रिजर्भमा भने १३ अर्ब ८५ करोड रुपैयाँ सञ्चित रहेको छ । ग्राहकहरुबाट बैंकले ३ खर्ब ६४ अर्ब रुपैयाँ निक्षेप संकलन गरेको छ भने २ खर्ब ६० अर्ब रुपैयाँ कर्जा प्रवाह गरेको छ ।
खराब कर्जा अनुपात भने बढेको छ । अघिल्लो आवमा ५.९६ प्रतिशत रहेको खराब कर्जा अनुपात बढेर ६.४२ प्रतिशत पुगेको छ ।
यस्तै बैंकको वितरणयोग्य मुनाफा २ अर्ब ७९ करोड रुपैयाँले ऋणात्मक छ ।
समीक्षा अवधिसम्म बैंकको प्रतिसेयर आम्दानी ८.०७ रुपैयाँ, प्रतिसेयर नेटवर्थ १४२.१९ रुपैयाँ, प्रतिसेयर कुल सम्पत्तिको मूल्य १४२.१९ रुपैयाँ, मूल्य आम्दानी अनुपात २७.२३ गुणा र तरलता अनुपात ३६.५९ प्रतिशत कायम भएको छ ।
.png)
.jpg)
