जेनजीको प्रदर्शनमा प्रहरीको गोली लागी एकजनाको मृत्यु, ८० भन्दा बढी घाइते

काठमाण्डौ । सोमबार काठमाण्डौको बानेश्वर क्षेत्रमा भएको जेनजीको प्रदर्शनमा प्रहरीले चलाएको गोली लागेर एकजनाको मृत्यु भएको छ ।  

जेनजीको प्रदर्शनमा प्रहरीको गोली लागेर घाइते भएका एक जनाको नयाँबानेश्वरस्थित सिभिल अस्पतालमा उपचारका क्रममा मृत्यु भएको हो । मृतकको परिचय खुल्न सकेको छैन । 

अस्पतालका अनुसार त्यहाँ प्रहरीको गोली लागेर घाइते भएका करिब ८० जनाको उपचार भइरहेको छ । केही अवस्था गम्भीर छ ।  

प्रदर्शनकारीको ढुंगा र इँटा लागेर केही प्रहरी समेत घाइते भएका छन् । उनीहरुको समेत सिभिल अस्पतालमै उपचार भइरहेको छ ।