'सुशीला कार्कीलाई हुँदैन' भन्ने समूहलाई सेनाले हटायो, जंगीअड्डा आसपास प्रवेश निषेध

काठमाण्डौ । सेनाको जंगीअड्डा वरपर युवाहरुले सुशीला कार्कीलाई अन्तरिम सरकार प्रमुख बनाउने तयारी भइरहेको बन्दै त्यसविरुद्ध नाराबाजी र प्रदर्शन थालेका छन् ।  

सुशीला कार्कीलाई मान्दैनौं, कुलमान घिसिङ, महाबीर पुन, सागर ढकालजस्ता स्वतन्त्र व्यक्तिलाई सरकारको नेतृत्व देऊ भन्दै नाराबाजी गरिरहेका युवाहरुलाई सेनाले हटाउने कोशिश गरिरहेको छ । 

सेनाले केहीबेरअघिदेखि निरन्तर जंगीअड्डा वरपर भीडभाड नगर्न भन्दै माइकिङ गरिरहेको छ ।  

युवाहरुले भने जंगीअड्डा, धरहरा, रत्नपार्क वरपरका क्षेत्रमा समूह समूहमा भेला भएर प्रदर्शनलाई जारी राखेका छन् ।  

उनीहरुले भारतीय मिडियाहरुलाई जंगीअड्डाभित्र प्रवेश दिइएको, तर नेपाली मिडियालाई टाढैबाट रोकिएको भन्दै त्यसविरुद्ध पनि प्रदर्शन गरेका छन् । यूवाहरुले भारतीय मिडिया, गो ब्याक इण्डिया भन्दै चर्का नारा घन्काइरहेका छन् ।

सेनाले माइतीघर क्षेत्रमा पुगेका नेपाली मिडियाहरुलाई त्यहीँबाट फर्काइदिएको छ । अगाडि जान नमिल्ने भन्दै माइतीघरबाट अगाडि बढ्न नदिएको हाम्रा संवाददाताले जनाएका छन् ।