२० बीमा कम्पनीको सेयरभाउ बढ्यो, सर्वाधिक कमाउनेमा सिद्धार्थ प्रिमियर इन्स्योरेन्स

काठमाण्डौ । साताको अन्तिम कारोबार दिन सेयरबजारमा सामान्य अंकको बृद्धि भएको छ । नेप्से परिसूचक ६.०३ अंकले बढेर २६५४.९३ विन्दुमा पुगेको छ ।  

नेप्सेमा सूचीकृत ३३५ कम्पनीको १ करोड ५३ हजार १४५ कित्ता सेयर किनबेच हुँदा ४ अर्ब १७ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक बढेको छ । जीवन बीमा समूह ०.०३ प्रतिशत र निर्जीवन बीमा समूह १.०९ प्रतिशतले बढेको छ ।  

बीमा समूह बढ्दा आज २० बीमा कम्पनीको सेयरभाउ बढेको छ । सर्वाधिक कमाउनेमा सिद्धार्थ प्रिमियर इन्स्योरेन्स रहेको छ । कम्पनीको सेयरभाउ २.७९ प्रतिशतले बढेर ७०१ रुपैयाँ पुगेको छ ।  

त्यस्तै, युनाइटेड अजोडको १.०४ प्रतिशत, हिमालयन एभरेष्टको १.४५ प्रतिशत, आइजीआई प्रुडेन्सियलको २.०२ प्रतिशत, नेपाल इन्स्योरेन्सको १.०३ प्रतितश, नेको इन्स्योरेन्सको ०.६६ प्रतिशत, एनएलजीको १.४२ प्रतिशत, प्रभुको ०.२१ प्रतिशत, आरबीसीएलको ०.८० प्रतिशत, सलिकोको ०.८२ प्रतिशत, सानिमा जिआइसीको ०.८२ प्रतिशत, शिखरको १.२१ प्रतिशत र हिमालयन रि को ०.२३ प्रतिशतले बढेको छ ।  

यसका साथै सिटिजन लाइफको ०.६४ प्रतिशत, गार्डियन माइक्रो लाइफको ०.५५ प्रतिशत, नेपाल लाइफको ०.५३ प्रतिशत, नेशनल लाइफको ०.५४ प्रतिशत, प्रभु महालक्ष्मी लाइफको ०.१० प्रतिशत, रिलायबल नेपाल लाइफको ०.१९ प्रतिशत, सूर्यज्योति लाइफको ०.१६ प्रतिशतले बढेको छ ।    

आज सर्वाधिक गुमाउने बीमा कम्पनीमा भने क्रेष्ट माइक्रो लाइफ इन्स्योरेन्स रहेको छ । कम्पनीको सेयरभाउ १.५३ प्रतिशतले घटेर १३४९ रुपैयाँ कायम भएको छ ।  

त्यस्तै, एशियन लाइफको ०.२९ प्रतिशत, हिमालयन लाइफको ०.३५ प्रतिशत, आइएमई लाइफको ०.२७ प्रतिशत, एलआइसी नेपालको ०.७२ प्रतिशत, सानिमा रिलायन्स लाइफको ०.१० प्रतिशत, नेपाल माइक्रो इन्स्योरेन्सको ०.६९ प्रतिशत र नेपाल रि को ०.४१ प्रतिशतले घटेको छ ।