ह्वाट्स एपमा ठगी धन्दा मौलाएपछि साइबर ब्युरोले दियो ७ बुँदे सुझाव

काठमाण्डौ । हाल नेपालमा ‘ह्वाट्स एप’मा ठगी धन्दा मौलाउँदै गएपछि यसमा सतर्कता अपनाउन साइबर ब्युरोले सबैलाई अनुरोध गरेको छ ।  

ह्वाट्स एप ह्याक गरेर म समस्यामा परेको छु, तुरुन्त पैसा पठाइदिनुहोस् वा मेरो बैंकिङ एपमा समस्या आएर पैसा पठाउन सकिरहेको छैन, तपाई यस क्युआर कोडमा पैसा पठाइदिनुहोस’ भन्ने प्रकारका मेसेज पठाई ठगी गर्ने घटनाहरु बढिरहेकाले नागरिकले सचेतना अपनाउनुपर्ने ब्युरोले उल्लेख गरेको छ ।  

साइबर ब्युरोले यस्तो अवस्थामा यस्ता खालका मेसेजहरुमा तुरुन्त विश्वास नगर्ने, सम्भव भएसम्म सो व्यक्तिलाई प्रत्यक्ष फोन गरेर पुष्टि गर्न, शंकास्पद लिंक, कोड वा फाइल क्लिक/डाउनलोड नगर्न, टु–स्टेप भेरिफिकेसन अनिवार्य रुपमा प्रयोग नगर्न र आफ्नो ओटिपी/भेरिफिकेसन कोड कसैलाई पनि नदिन अनुरोध गरेको छ ।  

यसका साथै आफ्नो मोबाइल र एप्स नियमित रुपमा अपडेट गर्न र ह्वाट्स एप वेब प्रयोगपछि लगआउट गर्न ब्युरोले सुझाव दिएको छ ।