बैंक कहिले खुल्छ, कहिले बन्द ? २०८३ को पूर्ण तालिका सार्वजनिक

BANKING
शुक्रबार, चैत्र ६,२०८२ 13:46:29

काठमाण्डौ । नेपाल राष्ट्र बैंक ले नयाँ वर्ष २०८३ (सन् २०२६ अप्रिल १४ देखि २०२७ अप्रिल १३ सम्म) का लागि बैंकिङ बिदा तथा कार्यालय समयसम्बन्धी विस्तृत तालिका सार्वजनिक गरेको छ। मानव संशाधन व्यवस्थापन विभागले सार्वजनिक गरेको उक्त सूचनामा वार्षिक बिदा, कार्यालय समय, बैंकिङ समय तथा सेवा सञ्चालनसम्बन्धी स्पष्ट व्यवस्था गरिएको छ।

बिदा तालिका: प्रमुख पर्वमा बैंक बन्द

राष्ट्र बैंकले सार्वजनिक गरेको सूचीअनुसार नयाँ वर्ष, श्रमिक दिवस, बुद्ध जयन्ती, गणतन्त्र दिवस, रक्षाबन्धन, गाईजात्रा, कृष्ण जन्माष्टमी, तीज, संविधान दिवस, इन्द्रजात्रा, दशैं, तिहार, छठ, ल्होसार, महाशिवरात्रि, फागु पूर्णिमा लगायतका राष्ट्रिय तथा धार्मिक पर्वहरूमा बैंक तथा वित्तीय संस्था बन्द रहनेछन्।

यसबाहेक, केही बिदा निश्चित समुदाय, क्षेत्र वा कर्मचारी समूहलाई लक्षित गरी तोकिएका छन्- जस्तै काठमाडौँ उपत्यकामा मात्र लागू हुने इन्द्रजात्रा, महिलाका लागि हरितालिका तीज र जितिया पर्व, तथा विभिन्न धार्मिक समुदायका पर्वहरू।

कार्यालय समय (Office Hour)

राष्ट्र बैंकले मौसमअनुसार कार्यालय समय फरक–फरक राखेको छः

-बिहान १०:०० देखि साँझ ५:०० बजे (आइतबार–बिहीबार)

लागू अवधि: २०२६/०४/१४ देखि २०२६/११/०१

तथा २०२७/०१/३० देखि २०२७/०४/१३

-बिहान १०:०० देखि साँझ ४:०० बजे (आइतबार–बिहीबार)

लागू अवधि: २०२६/११/०२ देखि २०२७/०१/२९

बिहान १०:०० देखि दिउँसो १:३० बजे (हरेक शुक्रबार)

बैंकिङ समय (Banking Hour)

ग्राहक सेवा सम्बन्धी बैंकिङ समय यसप्रकार तोकिएको छः

-बिहान १०:०० देखि साँझ ४:०० बजे (आइतबार–बिहीबार)

लागू अवधि: २०२६/०४/१४ देखि २०२६/११/०१