कपनको सात तले क्षेत्रमा मापदण्डविपरीत बनेका घरहरूमा काठमाडौं महानगरको डोजर

काठमाण्डौं । काठमाडौं महानगरपालिकाले कपनको सात तले क्षेत्रमा सार्वजनिक जग्गा अतिक्रमण गरी बनेका संरचना हटाएको छ।

नगर प्रहरी, प्राविधिक टोली र स्थानीय प्रशासनको समन्वयमा सञ्चालन गरिएको अभियानअन्तर्गत अनधिकृत रूपमा निर्माण गरिएका घरहरू भत्काइएको हो।

महानगरका अनुसार सो क्षेत्रमा सार्वजनिक बाटो, खोल्सी तथा सरकारी स्वामित्वका जग्गा अतिक्रमण गरी मापदण्ड विपरीत संरचना निर्माण गरिएको पाइएको थियो।

 

 

पहिचान भएका ती अवैध संरचनाहरू डोजर प्रयोग गरेर हटाइएको महानगरले जनाएको छ।