मुक्तिनाथ विकास बैंकका सीईओ मानन्धरद्वारा पदभार ग्रहण

काठमाण्डौ । मुक्तिनाथ विकास बैंकका सीईओ तारा मानन्धरले पदभार ग्रहण गरेका छन् । बैंकको सञ्चालक समितिको निर्णय अनुसार (सीईओ) पदमा नियुक्त भएका मानन्धरले जेठ १ गतेदेखि पदभार ग्रहण गरेका हुन् ।

बैंकिङ तथा व्यवस्थापन क्षेत्रमा अब्बल श्री मानन्धरले विभिन्न वाणिज्य बैंकहरुको उच्च कार्यकारी भुमिका रही कार्य गरेको अनुभव र पछिल्लो समय डिस मेडिया नेटवर्क लि.मा प्रमुख कार्यकारी अधिकृतको रुपमा कार्य गरिरहेका थिए ।

उनको नेतृत्वले संस्थागत तथा रणनीतिक विकास, सुशासन तथा दिगो बैंकिङ अभ्यासलाई थप प्रभावकारी बनाउने विश्वास बैंकले लिएको छ ।

नवनियुक्त सीईओ मानन्धरले बैंकको दिर्घकालिन लक्ष्य, उच्चस्तरिय ग्राहक सेवा, कर्मचारीहरुको उच्च मनोबल तथा सरोकारवालाहरुले राखेको विश्वासलाई अझ सुदृढ बनाउँदै बैंकलाई नयाँ उचाइमा पुर्याउने प्रतिबद्धता व्यक्त गरेका छन् ।