महालेखाद्वारा सार्वजनिक निकायको जवाफदेहिता र पारदर्शिताका लागि ८ क्षेत्रमा सुधारको प्रस्ताव

काठमाण्डौ । महालेखापरीक्षकको कार्यालयले सरकारलाई भविष्यमा गर्नुपर्ने सुधारका विभिन्न क्षेत्रहरु औल्याएको छ । कार्यालयले आज सार्वजनिक गरेको ६३औँ वार्षिक प्रतिवेदनमा सार्वजनिक निकायको जवाफदेहिता र पारदर्शिताका लागि महालेखाद्वारा ८ क्षेत्रमा सुधारको प्रस्ताव गरिएको छ ।

प्रतिवेदननमा लेखापरीक्षणबाट देखिएका बेहोरोको आधारमा कानुनी, नितीगत, संरचनागत र कार्य प्रणालीमा रहेका कमजोरी, अस्पष्टता तथा कार्यान्वयनका चुनौतीहरुलाई सम्बोधन गर्न सुधारका विषयहरुबारे सुझाव प्रदान गर्नु परिच्छेछको उद्देश्य रहेको छ ।

कार्यालयले प्रस्ताव गरेका ८ वटा सुधारको क्षेत्रमा शासकिय प्रबन्ध, अर्थतन्त्र, सार्वजनिक वित्त व्यवस्थापन, विकास व्यवस्थापन, सार्वजनिक सम्पत्ति व्यवस्थापन, सूचना प्रविधि, सार्वजनिक प्रशासन र सुशासन रहेका छन् ।