_New.gif)
.gif)
.gif)
.png)
काठमाण्डौ । नेपाल क्लियरिङ्ग हाउस लिमिटेड(एनसीएचएल)ले विशेष साधारण सभा सम्पन्न गरेको छ । वैशाख १३ गते सम्पन्न उक्त विशेष साधारण सभामा एनसीएचएलका सञ्चालक समितिका अध्यक्ष तथा सदस्यहरु, सेयरधनी प्रतिनिधिहरु र व्यवस्थापनतर्फका कर्मचारीहरु समेतको उपस्थिती रहेको थियो । एनसीएचएलले नेपाल ईलेक्ट्रोनिक पेमेन्ट सिष्टम्स् लिमिटेड (नेप्स) लाई प्राप्ति गर्ने प्रमुख अजेण्डा सहित उक्त विशेष साधारण सभामा सम्पन्न गरिएको हो ।
नेप्सको १०० सेयरबराबर एनसीएचएलको २८ सेयर हुने गरी १ः०.२८ स्वाप अनुपातमा एनसीएचएलले नेप्सलाई प्राप्त गर्न विशेष साधारण सभामा पारित गरिएको छ । नेपाल राष्ट्र बैंकको विद्ययमान भुक्तानी तथा फछ्र्यौट विनियमबमोजिम अपनाउनु पर्ने सम्पूर्ण प्रक्रियाहरु पूरा गरी नेपाल राष्ट्र बैंक समक्ष नेपाल क्लियरिङ्ग हाउस लिमिटेड र नेपाल ईलेक्ट्रोनिक पेमेन्ट संयुक्त रुपमा अन्तिम स्वीकृती प्राप्त गरी कम्पनी रजिष्ट्रार कार्यालय र प्रचलित कानूनबमोजिम अपनाउनु पर्ने सम्पूर्ण प्रक्रियाहरु पुरा गरी एकिकृत कार्य प्रारम्भ गर्नेछन् ।
प्राप्ति कार्य गरे पश्चात् परिवर्तन हुने सेयर तथा चुक्तापूँजी वृिद्घ गर्न, सेयर समूह स्वामित्व परिवर्तन गर्न एनसीएचएलको प्रबन्धपत्र तथा नियमावालीका आवश्यक दफा/नियमहरु संशोधन गर्ने लगायतका विषयहरुमा पनि विशेष साधारण सभाले स्वीकृतितथा अख्तियारी प्रदान गरेको छ ।
प्राप्तिका लागि पुस ६ गते प्रारम्भिक सम्झौता र विस्तृत मूल्याङ्ककन पश्चात चैत २२ गते प्राप्ति सम्बन्धी सम्झौता भएको थियो । हाल एनसीएचएल र नेप्सको चुक्ता पूँजी क्रमश रु.१ अर्ब ६६ लाख र रु.२१ करोड १२ लाख रहेकोमा प्राप्तिपश्चात एकिकृत संस्थाको चुक्ता पूँजी रु.१ अर्ब ६ करोड ५८ लाख हुनेछ । एनसीएचएलको गत आर्थिक वर्ष २०७९/८० को खुद मुनाफा रु.३७ करोड ६८ लाख रहेको थियो भने नेप्सको रु.६ करोड ४६ लाख रहेको थियो ।
.png)
.jpg)
.gif)
