_New.gif)
.png)
काठमाण्डौ । सोपान मल्टिपल कम्पनी लिमिटेडले प्रिमियम मूल्यमा आईपीओ निष्कासन गर्ने कार्यका लागि बिक्री प्रबन्धक नियुक्त गरेको छ । कम्पनीले आईपीओ निष्कासन तथा बिक्री प्रबन्धकमा रुपमा एनएमबी क्यापिटल लिमिटेडलाई नियुक्त गरेको हो ।
वैशाख १८ गते सम्पन्न भएको बिक्री प्रबन्धक नियुक्ती सम्झौतामा सोपान मल्टिपल कम्पनीका तर्फबाट कम्पनीका अध्यक्ष डा.ई.ताराप्रसाद पोखरेल र एनएमबी क्यापिटलका तर्फबाट सीईओ दिपेश कुमार वैद्यले हस्ताक्षर गरेका छन् ।
आगामी वैशाख २२ गते आयोजना हुन लागेको कम्पनीको १५ औं वार्षिक साधारण सभाबाट प्रिमियम मूल्यमा आईपीओ निष्कासन गर्ने प्रस्ताव पेश हुन लागेको छ ।
कम्पनीले अंकित मूल्य १०० रुपैयाँमा १०७ रुपैयाँ प्रिमियम थप गरी प्रतिकित्ता २०७ रुपैयाँमा आईपीओ निष्कासन गर्ने योजना बनाएको कम्पनीका अध्यक्ष ताराप्रसाद पोखरेलले बताए । हाल कम्पनीको प्रतिसेयर नेटवर्थ १०३.८५ रुपैयाँ रहेको र फेयर मार्केट भ्यालु ४५० रुपैयाँभन्दा माथि रहेको अध्यक्ष पोखरेलले बताए ।
कम्पनीले आफ्नो पूँजी १ अर्ब ४५ करोड ७५ लाख रुपैयाँ पु्र्याउने योजना बनाएको छ । जस अन्तर्गत संस्थापकतर्फ ८० प्रतिशत अर्थात १ करोड १६ लाख ६० हजार कित्ता हिस्सा रहने छ भने २० प्रतिशत अर्थात २९ लाख १५ हजार कित्ता बराबरको आईपीओ जारी हुने सहमति पत्रमा उल्लेख गरिएको छ ।
.gif)
महतो समूहको प्रमुख लगानी रहेको सोपान मल्टिपल लिमिटेड एउटा होल्डिङ(इन्भेष्टमेन्ट)कम्पनी हो । डा.उपेन्द्र ,विरेन्द्र प्रसाद महतो,रामेश्वर रिजाल,ताराप्रसाद पोखरेल,जीवनाथ लामिछाने,राजेन्द्र मल्ल,अशोक कुमार खड्का,वसन्त चन्द्र मरहट्टा लगायतको नेतृत्व र सक्रियतामा यो कम्पनीले शिक्षा,स्वास्थ्य, जलविद्युत,रियल स्टेट र पूर्वाधार विकास लगायतका क्षेत्रमा लगानी विस्तार गर्दै आएको छ ।
यस कम्पनीको मातहतमा कान्तिपुर इन्जिनियरिङ कलेज,एक्मी इन्जिनियरिङ कलज,सोपान फर्मास्युटिकल्स ,मोल्निया पावर लिमिटेड,मैलुङ खोला जलविद्युत कम्पनी लिमिटेड,माथिल्लो मैलुङ खोला जलविद्युत लिमिटेड,सोपान प्रोपर्टिज कम्पनी लिमिटेड रहेका छन् ।
सोपान मल्टिपलको लगानी रहेको मैलुङ खोला जलविद्युत कम्पनी र माथिल्लो मैलुङ खोलाले आईपीओ निष्कासन गरिसकेको छ भने सोपान फर्मास्युटिकल्सले पनि आईपीओ निष्कासनका लागि धितोपत्र बोर्डमा आवेदन दिने तयारी गरेको छ ।
स्थापनाकै बेला पब्लिक लिमिटेड कम्पनीको रुपमा स्थापित कम्पनीलाई सुशासनका पक्षमा अझ सबल बनाउने र सहभागीतामूलक लगानीलाई अझ विस्तार गर्दै लैजाने योजना अनुरुप आईपीओ जारी गर्न लागिएको अध्यक्ष पोखरेलले बताए ।
.png)
.jpg)
.png)
.jpg)
.gif)
