_New.gif)
.png)
काठमाण्डौ । पाँचथर पावर कम्पनी लिमिटेडले चालु आवको तेस्रो त्रैमाससम्ममा १२ करोड ५ लाख रुपैयाँ घाटा व्यहोरेको छ । अघिल्लो आवको सोहि अवधिसम्म भने कम्पनीले ८ करोड ६० लाख रुपैयाँ खुद नाफा आर्जन गरेको थियो ।
यो अवधिमा विद्युत उत्पादन ठप्प बन्दा कम्पनीले कुनै पनि आम्दानी गर्न सकेको छैन । गत वर्षको असार महिनामा आएको बाढीले आयोजनालाई क्षति पुर्याएकाले कम्पनीको आयोजना असार महिनादेखि बन्द अवस्थामा छ । अहिले आयोजना पुनःनिर्माण तथा मर्मत कार्य भईरहेको हुँदा कम्पनीले विद्युत बिक्रीमार्फत कुनै पनि आम्दानी गर्न सकेको छैन ।
बाढीले आयोजनाको सिभिल संरचनासहित पावर हाउस लगायत इलेक्ट्रो मेकानिकल इक्यूपमेन्ट समेतमा क्षति हुन गएकाले आगामी असार मसान्तसम्ममा आयोजना पुनःमर्मत कार्य भईसक्ने कम्पनीले जनाएको छ ।
यस त्रैमासमा आम्दानी लसको बीमा बापत दाबी गरिएको रकममध्ये प्राप्त भएको ८ करोड रुपैयाँलाई अन्य आम्दानीमा लेखांकन गरिएको कम्पनीले जनाएको छ ।
.gif)
चैत मसान्तसम्म कम्पनीको कर्मचारी खर्च ३२ लाख १८ हजार,अन्य सञ्चालन खर्च १ करोड ३५ लाख र वित्त खर्च ११ करोड ९० लाख रुपैयाँ रहेको छ । कम्पनीको चुक्तापूँजी ९६ करोड २५ लाख रुपैयाँ रहेको छ ।
त्यस्तै कम्पनीको रिजर्भको आकार १ करोड ७९ लाख रुपैयाँले ऋणात्मक अवस्थामा छ । कम्पनीको कुल चालु सम्पत्ति २० करोड २८ लाख र कुल चालु दायित्व २६ करोड ७७ लाख रुपैयाँ छ ।
समीक्षा अवधिसम्म कम्पनीको प्रतिसेयर आम्दानी(ईपीएस)०.१३ रुपैयाँले ऋणात्मक,प्रतिसेयर नेटवर्थ ९८.१३ रुपैयाँ, प्रतिसेयर कुल सम्पत्तिको मूल्य २६३.२० रुपैयाँ र तरलता अनुपात ०.७६ गुणा कायम भएको छ ।
.png)
.jpg)
.png)
.png)
.gif)
.gif)
