Nabil Bank Limited
Nabil Bank Limited
Bizshala

सेयर बिक्री बापतको रकम समयमै नपाएको लगानीकर्ताको गुनासो,ब्रोकर भन्छन्–‘यी कारणले ढिलो भयो ’

Global IME Bank Limited
सेयर बिक्री बापतको रकम समयमै नपाएको लगानीकर्ताको गुनासो,ब्रोकर भन्छन्–‘यी कारणले ढिलो भयो ’
Nabil Bank Limited

काठमाण्डौ । राफसाफमा ढिलाई भएको गुनासो पछि सिडिएस एण्ड क्लियरिङले सेयर राफसाफको कारोबारमा टी–प्लस थ्रीलाई घटाएर टी–प्लस थ्री लागू गरेको छ । तर लगानीकर्ताले व्यवहारमा यसको कार्यान्वयनको महशुसता भने गर्न पाएका छैनन् ।  

Shivam Cement
Sagarmatha Cement
Muktinath Bikas Bank Limited

लगानीकर्ताहरुले ब्रोकरहरुकै ढिला सुस्तीका कारण टी प्लस टुको प्रभावकारी कार्यान्वयन हुन नसकेको गुनासो गर्न थालेका छन् । केहि दिनयता सामाजिक सञ्जालहरुमा आफुले बिक्री गरेको रकम ब्रोकहरले समयमै भुक्तानी नगरेको भन्दै सामाजिक सञ्जाल तथा नियामक निकायहरुमा गुनासो व्यक्त भईरहेका छन् । कोरोना महामारीपश्चात अनलाइन कारोबारमार्फत हुने कारोबार वृद्धि भएको छ । अहिले धेरैजसो सेयर कारोबार अनलाइनमार्फ नै हुने गरेको छ ।  

यस्तोमा स्टक ब्रोकर एशोसियसन अफ नेपालले केहि विशेष कारणहरुले गर्दा विद्युतीय माध्यमबाट लगानीकर्ताहरुलाई सेयर बिक्रीबापतको रकम भुक्तानी गर्न कठिनाई भईरहेको जनाएको छ । स्टक ब्रोकर एशोसियसन अफ नेपालले एक विज्ञप्ती जारी गर्दै अनलाइन माध्यमबाट भुक्तानी गर्न प्रयत्न गर्दा समेत निम्न कारणहरुले गर्दा भुक्तानी हुन नसकेको जनाएको छः

१.माघ ३ र ४ गते ठूलो परिणाममा तथा धेरैपटक सेयर कारोबार भएको,  

२.माघ ३ गतेको नियमित राफसाफ माघ ५ गते भएतापनि माघ ४ गते बेलुकाबाट  टीएमएस मर्मतका लागि बन्द भएका कारण टीएमएसमा माघ ७ गतेमात्रै बिल जेनेरेट भएको  ,

३.तसर्थ माघ २, ३ र ४ गतेको कारोबारको भुक्तानी टीएमएसबाट माघ ७ गतेबाट मात्र भुक्तानी प्रक्रिया सुरु गर्न मिलेका कारण पेमेन्ट गेटवे मा अधिक चाप पर्न गएको ,

४.टीएमएस मर्मत भईसकेपश्चात सो प्रणालीमार्फत विद्युतीय माध्यमबाट भुक्तानी प्रक्रिया गरिएका कतिपय कारोबारहरु केहि दिनसम्म पनि प्रोसेसिङमा रहेको र ग्राहकको खातामा पैसा जम्मा नभएको ,

५.दैनिक रुपमा धेरै कारोबारहरु भुक्तानीको लागि प्रोसेसिङ गर्दा अधिकांश रकमहरु भुक्तानी भए तापनि कतिपय भुक्तानीहरु बैंक विवरण ठिक हुँदाहुँदै पनि इन्भ्यालिड भई पुनःप्रोसेसिङ गर्नु परेको ,

६.अन्य पेमेन्ट गेटवेमार्फत भुक्तानी गर्दा दैनिक सीमा लागू भएकाले सबै ग्राहकको भुक्तानी टीएमएस बाहेक अन्य माध्यमबाट मात्रै प्रोसेसिङ गर्न सम्भव नरहेको ,

माथि उल्लेखित कारणहरुले गर्दा लगानीकर्तालाई सेयर बिक्रीबापतको रकम विद्युतीय माध्यमबाट भुक्तानीमा ढिलाई भइरेहेको र यसको समाधानका लागि आगामी दिनमा सरोकारवाला पक्षहरुसँग छलफल गरी भुक्तानी प्रणालीलाई चुस्त बनाइने एशोसियसनले जनाएको छ ।  

 


Nepal Investment Mega Bank Limited
CG Motors
New Office
Mahalaxmi Development Bank
Shikhar Insurance
IME remit

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.