वर्णबास म्यूजियम होटलमा १२.५० करोड लगानी गर्दै एनआरएन इन्फ्रास्ट्रक्चर

काठमाण्डौ । एनआरएन इन्फ्रास्ट्रक्चर एण्ड डेभलपमेन्ट लिमिटेडले वर्णबास म्यूजियम होटलमा लगानी गर्ने भएको छ । कम्पनीले वर्णबास होटलमा जारी पूँजीको ९.०९ प्रतिशत(संस्थापक सेयरमध्येको १४.२ प्रतिशत)स्वामित्व रहने गरी लगानी गर्ने भएको हो ।

कम्पनीको असार २८ गते बसेको सञ्चालक समितिको बैठकले गरेको निर्णयबमोजिम कम्पनी र वर्णबास होटलबीच असार २९ गते सेयर खरिद बिक्री सम्झौता सम्पन्न भएको छ । सम्झौताअनुसार कम्पनीले वर्णबास होटलको १० लाख कित्ता संस्थापक सेयर प्रतिकित्ता रु.१२५ का दरले १२ करोड ५० लाख रुपैयाँमा खरिद गर्नेछ ।