_New.gif)
.gif)
.jpg){kind=logo}
.png)
काठमाण्डौ । निर्जीवन बीमा कम्पनीहरुले चालु आर्थिक वर्षको ७ महिनासम्ममा २२ अर्ब ३९ करोड २२ लाख रुपैयाँ कुल बीमा शुल्क आर्जन गरेका छन् । नेपाल बीमा प्राधिकरणका अनुसार १४ निर्जीवन बीमा कम्पनीले माघ महिनासम्म २२ अर्ब भन्दा बढी प्रिमियम संकलन गरेका हुन् ।
निर्जीवन बीमा व्यवसाय गत वर्षको यसै अवधिसम्मको तुलनामा भने २.९१ प्रतिशतले घट्न पुगेको छ । गत वर्षको यसै अवधिसम्म निर्जीवन बीमा कम्पनीले २३ अर्ब ६ करोड २९ लाख रुपैयाँ प्रिमियम संकलन गरेका थिए । माघ महिनासम्ममा ८ कम्पनीको व्यवसाय बढेको छ भने ६ कम्पनीको बीमा शुल्क आर्जन घट्न पुगेको छ ।
७ महिनासम्ममा सबैभन्दा बढी प्रिमियम भित्र्याउने कम्पनीमा शिखर इन्स्योरेन्स रहेको छ । कम्पनीले पछिल्लो समय व्यवसाय ग्रोथ गरेको छ । मर्जरमा गई उत्कृष्ट व्यवसाय गर्ने सगरमाथा लुम्बिनी र सिद्धार्थ प्रिमियरलाई टक्कर दिएर शिखरले सर्वाधिक प्रिमियम संकलन गर्न सफल भएको छ ।
केही महिनाअघि शिखरको व्यापारलाई सलिको र सिद्धार्थ प्रिमियर इन्स्योरेन्सले उछिनेको थियो । आर्थिक वर्ष २०८०÷८१ को ६ महिनापछि शिखर इन्स्योरेन्सले व्यवसायमा पुरानै लय समात्न सफल भएको छ । निर्जीवन बीमा कम्पनीहरुमा सबैभन्दा बढी प्रिमियम भित्र्याएर पुनः शिखर इन्स्योरेन्स नम्बर वान कम्पनी बन्न सफल भएको छ ।
कम्पनीले माघ महिनासम्ममा २ अर्ब ८९ करोड रुपैयाँ कुल बीमा शुल्क आर्जन गरेको छ । त्यस्तै, दोस्रोमा सगरमाथा लुम्बिनी इन्स्योरेन्सले २ अर्ब ६७ करोड रुपैयाँ प्रिमियम कलेक्सन गरेको छ ।
यता सिद्धार्थ प्रिमियर इन्स्योरेन्सको व्यवसाय भने केही प्रतिशत घट्न पुगेको छ । कम्पनीले २ अर्ब २६ करोड रुपैयाँ बीमा शुल्क आर्जन गरी तेस्रो स्थान कायम गरेको छ ।
साथै आइजीआई प्रुडेन्सियलले १ अर्ब ९३ करोड, नेकोले १ अर्ब ८७ करोड, हिमालयन एभरेष्टले १ अर्ब ८६ करोड, युनाइटेड अजोडले १ अर्ब ५२ करोड, एनएलजीले १ अर्ब ४३ करोड, सानिमा जिआइसीले १ अर्ब ३४ करोड, प्रभुले १ अर्ब ८ करोड, आरबीसीएलले ९७ करोड, द ओरियण्टलले ९३ करोड, नेपालले ८७ करोड र नेशनल इन्स्योरेन्सले ६९ करोड रुपैयाँ प्रिमियम संकलन गरेको छ ।
कुनले कति बढाए बीमा शुल्क ?
गत वर्षको यसै अवधिसम्मको तुलनामा सबैभन्दा बढी नेशनल इन्स्योरेन्सले व्यवसाय बढाउन सफल भएको छ । कम्पनीले १९।२९ प्रतिशतले बीमा शुल्क आर्जन बढाएको छ ।
त्यस्तै, प्रभुले १७.१७ प्रतिशतले व्यवसाय बढाएको छ भने सानिमा जिआइसीले पनि १२.६८ प्रतिशतले व्यवसाय बढाएको छ ।
यसका साथै दि ओरियण्टल इन्स्योरेन्सले ११.४६ प्रतिशत, हिमालयन एभरेष्टले १०.०५ प्रतिशत, आइजीआई प्रुडेन्सियलले ६.८५ प्रतिशत र एनएलजी इन्स्योरेन्सले २.३६ प्रतिशतले व्यवसाय बढाएको छ ।
यता ६ वटा कम्पनीको व्यवसाय भने घटेको छ । सर्वाधिक राष्ट्रिय बीमा कम्पनीको ४२.६८ प्रतिशतले व्यवसाय खस्किएको छ । त्यस्तै, सिद्धार्थ प्रिमियरको १५.९७ प्रतिशत, युनाइटेड अजोडको १३.७२ प्रतिशत, सलिकोको ४.८८ प्रतिशत, शिखरको २.८४ प्रतिशत र नेपाल इन्स्योरेन्सको १.८१ प्रतिशतले व्यवसाय घटेको छ ।
.png)
.jpg)
.jpg)
.gif)
