(1).gif)
(2).gif)
(1).gif)
.png)
काठमाण्डौ । नेपाललाई डिजिटल नोम्याडका लागि विश्वकै आकर्षक गन्तव्यको रुपमा प्रस्तुत गर्न पोखरामा ‘नोम्याड बेसक्याम्प’ आयोजना गरिएको छ । नेपाल पर्यटन बोर्डले साराङसँगको सहकार्यमा आयोजना पहिलोपटक ‘डिजिटल नोम्याड समिट(बेसक्याम्प नोम्याड’ आयोजना गरिएको हो ।
अगस्त २७ देखि ३१ सम्म सञ्चालन भएको नोम्याड बेसक्याम्पलाई सम्बोधन गर्दै नेपाल पर्यटन बोर्डका प्रमुख कार्यकारी अधिकृत (सीईओ) दीपकराज जोशीले यो पहल नेपाल पर्यटनको नयाँ अध्याय भएको बताएका छन् । उनले भने, ‘आज हामी केवल एक समिट आयोजना गर्दैछौं भन्ने होइन, बरु नेपालले आफूलाई विश्वसामु प्रस्तुत गर्ने नयाँ अध्ययाको सुरुवात गरेको छ ।’
.gif)
.gif)
हालैको वर्षमा ‘रिमोट वर्क’ र ‘डिजिटल नोम्यनडिज्म’ को प्रवृत्तिले विश्वकै काम गर्ने ढाँचा परिवर्तन गरेको उल्लेख गर्दै सीईओ जोशीले नेपाल यसका लागि आदर्श गन्तव्य बन्न सक्ने धारणा राखेका छन् । ‘प्राकृतिक सुन्दरता, सांस्कृतिक गहिराइ, मानवीय आतिथ्य र सुरक्षित वातावरणका कारण नेपाल डिजिटल नोम्याडहरूको लागि उत्कृष्ट गन्तव्य बन्न सक्छ,’ उनले भने ।
पोखरा आफैंमा विश्व ब्रान्ड बनिसकेको उल्लेख गर्दै शान्त ताल, हिमालको सौन्दर्य र जीवन्त जीवनशैलीसहित यसलाई प्रविधि–मैत्री संरचना, को–वर्किङ स्पेस र स्वागतयोग्य वातावरणसँग जोड्दा डिजिटल नोम्याड्सका लागि नेपाल उत्कृष्ट गन्तव्य बन्न सक्ने बताइएको छ । पहिलो डिजिट नोम्याड समिटमा ३० भन्दा बढी अन्तर्राष्ट्रिय डिजिटल नोम्याड र ४० भन्दा बढी नेपाली सहभागी भएका छन् । यसले नेपाल केवल भ्रमणको गन्तव्य मात्र नभई सिर्जना, सहकार्य र नयाँ अर्थतन्त्रमा योगदान गर्ने थलोको रूपमा स्थापित हुन सक्ने सन्देश दिएको पनि सीईओ जोशीले बताएका छन् ।
सीईओ जोशीले थपे, ‘नेपाल पर्यटनलाई पारम्परिक दायराबाट निकालेर ज्ञान पर्यटन, सिर्जनशील पर्यटन र डिजिटल युगको जीवनशैलीतर्फ अघि बढाउनु हाम्रो लक्ष्य हो । डिजिटल नोम्याडका लागि उपयुक्त वातावरण सिर्जना गर्न सके नेपाल विश्वकै केन्द्र बन्न सक्छ ।’
सम्मेलनमार्फत् नेपालले एशियामा डिजिटल नोमाडिज्मको नेतृत्व गर्न सक्ने सम्भावना देखिएको र यसलाई दीर्घकालीन अभियानका रूपमा अगाडि बढाइने प्रतिबद्धता गरिएको छ ।
.png)
.jpg)
.jpg)
.jpg)
