(1).gif)
(2).gif)
.jpg)
(1).gif)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च (नेप्से) परिसूचकमा सामान्य अंकको गिरावट आएको छ । आज नेप्से परिसूचक ०.२४ प्रतिशत अर्थात ६.५५ अंकले घटेर २ हजार ७१९.७७ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.२३ प्रतिशतले घटेर ४६९.८३ विन्दुमा झरेको छ । यो दिन नेप्सेमा सूचीकृत मध्ये ३१७ वटा स्क्रिप्टको १ करोड २७ लाख १ हजार ९७ कित्ता सेयर ५ अर्ब १४ करोड ४३ लाख रुपैयाँभन्दा बढीको कारोबार भएको छ ।
अघिल्लो दिन भने ४ अर्ब ७२ करोड बढीको कारोबार भएको थियो ।
आजको बजारबारे सेयर लगानीकर्ता संघ नेपालका कार्यवाहक अध्यक्ष ताराप्रसाद फुल्लेल भन्छन्, ‘आधारभूत रुपमा बजार घट्नु पर्ने कुनैपनि कारण छैन । सबै विषय सकारात्मक नै छन् । प्राविधिक रुपमा पनि बजार सपोर्ट लेभलमा आएको छ । २६८० विन्दु भन्दा तल बजार नजाने सुनिन्छ । यस कारण पनि आज बजार सम्हालिएको हो ।’
अर्का बजार जानकार उपेन्द्र पाठक भन्छन्,‘पछिल्लो अवस्थामा ब्रोकरहरुले साधारण सभा गर्नुपर्ने, बोनस दिनुपर्ने जस्ता कारणले उधारो टाइट भएको छ । यही कारणले बजारमा बिक्री दबाब देखिएको छ । बजारमा चाडपर्वको दबाब पनि परेको छ । केही अल्पकालिन लगानीकर्ता समेत बजारबाट बाहिरिएका छन् । ’
.gif)
.gif)
यद्यपी बेच्नेहरु पछि हटेका कारण आज बजार भने केही सम्हालिन खोजेको उनले बताए ।
यो दिन नेप्सेमा सूचीकृत १३ वटा समूहमध्ये २ वटा समूह बढ्यो भने ११ वटा समूहमा रातो पोतियो । व्यापार समूह आज सर्वाधिक अर्थात ०ं५८ प्रतिशतले बढ्यो ।
यस्तै म्युचुअल फण्ड समूह ०.१३ प्रतिशतले बढ्यो ।
होटल समूह आज सर्वाधिक अर्थात ०.६५ प्रतिशतले घट्यो । यस्तै बैंकिङ समूह ०.३१ प्रतिशत, विकास बैंक ०.३८, फाइनान्स ०.३७, हाईड्रो ०.०२, लगानी ०.३१, जीवन बीमा ०.३९, उत्पादन तथा प्रशोधन ०.१९, लघुवित्त ०.१५, निर्जीवन बीमा ०.१० र अन्य समूह ०.५० प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको सर्वाधिक सेयर कारोबार भयो । आज यो कम्पनीको ३५ करोड ३५ लाख बढीको सेयर कारोबार भयो । विन्ध्यवासिनी हाईड्रोपावरको पनि आज १९ करोड, हिमालयन रि इन्स्योरेन्सको १७ करोड ५८ लाख, युनियन हाईड्रोपावरको १७ करोड ५८ लाख र हिमालयन डिष्ट्रिलरीको १५ करोड ७१ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएको एउटा कम्पनीको सेयरमूल्यमा मात्रै अपर सर्किट लाग्यो । आज हिमस्टार उर्जाको सेयरमूल्य ९.९८ प्रतिशतले बढ्यो । यस्तै विन्ध्यवासिनी हाईड्रोको सेयरमूल्य ६.०७ प्रतिशत, माथिल्लो मैलुङ खोला जलविद्युतको ६.०५ र उपकार लघुवित्तको सेयरमूल्य ५.०९ प्रतिशतले बढ्यो ।
बाराही हाईड्रोको सेयरमूल्य सर्वाधिक अर्थात ३.८३ प्रतिशतले घट्यो । पिपुल्स पावरको सेयरमूल्य पनि आज ३.४५ प्रतिशत र दिव्यश्वरी हाईड्रोको सेयरमूल्य ३.४५ प्रतिशतले घट्यो ।
.png)
.jpg)
(242).jpg)
(222).jpg)
.jpg)
