(1).gif)
(2).gif)
.jpg)
.png)
काठमाण्डौ । यूनिभर्सल पावर कम्पनी लिमिटेडले लाभांशको विशेष प्रस्ताव पारित गर्न वार्षिक साधारण सभा डाकेको छ । भदौ २९ गते बसेको कम्पनीको सञ्चालक समितिले आगामी असोज २३ गते ललितपुरको तीखेदेवलमा रहेको दरबार रेष्ट्रो होटल एण्ड पार्टी भेन्यूमा बिहान १० बजेदेखि सभा आयोजना गर्ने निर्णय गरेको हो ।
सभामा कम्पनीका सेयरधनीहरुका लागि ९ प्रतिशत बोनस सेयर र०.४७३७ प्रतिशतनगद लाभांश वितरणको प्रस्ताव पारित गरिनेछ ।
उक्त सभामा चुक्तापूँजीको ९ प्रतिशत बोनस सेयर(कर बाहेक) जारी गर्ने, बोनस सेयर जारी गरेपश्चात कायम हुने चुक्तापूँजीको शतप्रतिशत अर्थात १ः१ अनुपातमा हकप्रद सेयर जारी गर्ने र सो सम्बन्धमा आवश्यक कार्यका लागि सञ्चालक समितिलाई अख्तियारी प्रदान गर्ने विशेष प्रस्तावहरु पारित गरिनेछ ।
.gif)
यस्तै सभामा आव २०७९/८०, २०८०/८१ र आव २०८१/८२ को सञ्चालक समितिको तर्फबाट अध्यक्षले प्रस्तुत गर्ने वार्षिक प्रतिवेदन पारित गर्ने, लेखापरीक्षकको प्रतिवेदनसहित आव २०७९/८०, आव २०८०/८१ र २०८१/८२ को वासलात, नाफा नोक्सान हिसाब तथा सोही अवधिको नगद प्रवाह विवरणमाछि छलफल गरी पारित गर्ने, आव २०८०/८१ लागि नियुक्त लेखा परीक्षकको नियुक्ती तथा निजको पारिश्रमिक अनुमोदन गर्ने र आव २०८२/८३ का लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्तावहरु पारित गरिनेछ ।
कम्पनीको प्रबन्धपत्र तथा नियमावलीबमोजिम २ जना सञ्चालकको निर्वाचन गर्ने र स्वतन्त्र सञ्चालकको नियुक्ती अनुमोदन गर्ने प्रस्ताव समेत पारित हुनेछ ।
लाभांश वितरण तथा साधारण सभा प्रयोजनाका लागि कम्पनीले असोज ८ गते एक दिनका लागि बुक क्लोज गर्ने निर्णय गरेको छ । यसर्थ असोज ७ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीको सभामा सहभागी हुन तथा लाभांश प्राप्त गर्नका लागि योग्य हुनेछन् ।
.png)
(1).png)
.jpg)
(1).jpg)
