बीपी राजमार्ग एकतर्फी सञ्चालन गर्ने तयारी, कुलमान घिसिङ अवलोकनमा जादैं

काठमाण्डौ । बीपी राजमार्ग एकतर्फी सञ्चालन गर्ने तयारी भएको छ । गत असोज १७ देखि १९ गते आएको अविरल वर्षाले रोशी खोलामा आएको बाढीले बीपी राजमार्गको सडकखण्ड बगाएको थियो ।

उक्त बाढीले सडक बगाएको ठाउँमा डाइभर्सन निर्माण गरी अस्थायी रूपमा एकतर्फी यातायात सञ्चालन हुन लागेको हो । यसैबीच आज भौतिक पूर्वाधार तथा यातायात, शहरी विकास र ऊर्जा मन्त्री कुलमान घिसिङ बीपी राजमार्गको अवस्था अवलोकन गर्न त्यसतर्फ जाने भएका छन् ।

उनी बाढीपहिरोले बगाएको सडक र त्यसको मर्मतका लागि भइरहेको कामको अवलोकलन गर्न त्यसतर्फ जान लागेका हुन् ।