(1).gif)
(2).gif)
.jpg)
.png)
काठमाण्डौ । अर्थमन्त्री रामेश्वर खनालले निजी क्षेत्रको विकास र संरक्षणमा सरकारले विशेष ध्यान दिन लागेको बताएका छन्। नेपाल उद्योग वाणिज्य महासंघको आयोजनामा आज राजधानीमा आयोजित ‘शान्ति, स्थायित्व र समृद्धिका लागि सहकार्य’ विषयक सर्वपक्षीय राष्ट्रिय संवाद कार्यक्रममा सम्बोधन गर्दै उनले यस्तो बताएका हुन् ।
खनालले भने, ‘निजी क्षेत्रको मनोबल कमजोर हुनुले समग्र अर्थतन्त्रमा नकारात्मक असर पर्छ। त्यसैले सरकार निजी क्षेत्रको संरक्षण र प्रोत्साहनमा जुट्नेछ।’ उनले निजी क्षेत्रको नाफाले नै देशलाई सेवा दिन मद्दत पुर्याउँने भएकाले सरकारले यसलाई प्रोत्साहित गर्ने र आवश्यक सहयोग गर्ने विश्वास समेत दिलाए ।
(2).gif)
.gif)
(1).gif)
साथै, भ्रष्टाचारविरुद्धको आवाज उठाउन निजी क्षेत्र, सरकारी निकाय र गैरसरकारी संस्थाले समान जिम्मेवारी लिनुपर्नेमा उनले जोड दिए।
यस्तै अर्थमन्त्री खनालले निजी क्षेत्रको सम्पत्ति राष्ट्रको अर्थतन्त्रसँग प्रत्यक्ष सम्बन्धित भएको र त्यसैले यसको सुरक्षा सरकारको जिम्मेवारी भएको पनि औंल्याए।
मन्त्री खनालले देशको निजी क्षेत्रमा पर्याप्त तरलता भएको र अधिकांश रकम चालू खाता वा बचत खातामा राखिएको बताए ।
.gif)
(1).gif)
.png)
.jpg)
