सामाजिक सञ्जाल नियमन विधेयक फिर्ता लिने सरकारको निर्णय

काठमाण्डौ । सरकारले सामाजिक सञ्जालको प्रयोग तथा नियमनसम्बन्धी विधेयक फिर्ता लिने निर्णय गरेको छ। सरकारका प्रवक्ता एवं गृहमन्त्री ओमप्रकाश अर्यालका अनुसार सामाजिक सञ्जालको प्रयोग र नियमन गर्न बनेको विधेयक, २०८१ संघीय संसदबाट फिर्ता लिन मन्त्रिपरिषद्ले स्वीकृति प्रदान गरेको हो।

यसैबीच, मन्त्रिपरिषद्को आज बसेको बैठकले निर्माणाधीन संसद भवन परिसरमा जेन–जी आन्दोलनका सहिदहरूको शालिक निर्माण गर्न गुरुयोजनामा संशोधन गर्ने निर्णयसमेत गरेको छ। उक्त निर्णयअनुसार अब संसद भवन परिसरमै सहिदहरूको सम्मानस्वरूप शालिक निर्माण गरिनेछ।