भगवति हाईड्रोपावको नाफा १२०.१६% ले बढ्यो, आम्दानी र ईपीएस कति ?

काठमाण्डौ । भगवति हाईड्रोपावर डेभलपमेन्ट कम्पनी लिमिटेडले चालु ,आवको दोस्रो त्रैमासमा ३ करोड १२ लाख रुपैयाँ खुद नाफा आर्जन गरेको छ । रकम अघिल्लो आवको तुलनामा १२०.१६ प्रतिशतले बढी हो ।  

अघिल्लो आवमा कम्पनीले १ करोड ४१ लाख रुपैयाँबराबरको खुद नाफा आर्जन गरेको थियो । नाफासँगै कम्पनीको आम्दानी पनि बढेको छ । कम्पनीले ८ करोड १५ लाख रुपैयाँबराबरको कुल आम्दानी गरेको छ । यो रकम अघिल्लो आवको सोही अवधिको तुलनामा ४७.०८ प्रतिशतले बढी हो । अघिल्लो आवको दोस्रो त्रैमाससम्म कम्पनीले ५ करोड ५४ लाख रुपैयाँ आर्जन गरेको थियो ।  

यो अवधिसम्म कम्पनीले २ करोड ६३ लाख रुपैयाँ कुल सञ्चालन खर्च र २ करोड ४ लाख रुपैयाँ गैरसञ्चालन खर्च गरेको छ ।  

कम्पनीको चुक्तापूँजी ६७ करोड ८२ लाख रुपैयाँ छ भने रिजर्भको आकार ६ करोड ४ लाख रुपैयाँ रहेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस) ९.२२ रुपैयाँ ,प्रतिसेयर नेटवर्थ १०८.९१ रुपैयाँ,प्रतिसेयर कुल सम्पत्तिको मूल्य १४२.०८ रुपैयाँ, तरलता अनुपात १५.६९ प्रतिशत र मूल्य आम्दानी अनुपात ८४.२९ गुणा कायम भएको छ ।