बुद्धभुमी नेपाल हाईड्रोपावरको सेयरमूल्य समायोजन, प्रतिकित्ता कति ?

काठमाण्डौ । बुद्धभुमी नेपाल हाईड्रोपावर कम्पनी लिमिटेडको सेयरमूल्य समायोजना भएको छ । कम्पनीले निष्कासन गर्न लागेको हकप्रद सेयरका लागि सेयरमूल्य समायोजन भएको हो ।  

नेप्सेमा भएको समायोजनपश्चात कम्पनीको सेयरमूल्य प्रतिकित्ता ३१३.१० रुपैयाँ कायम भएको छ ।  

समायोजन हुनुअघि कम्पनीको अन्तिम कारोबार मूल्य प्रतिकित्ता ५२६.२० रुपैयाँ कायम थियो । आइतबारको कारोबारदेखि दोस्रो बजारमा कम्पनीको सेयर यही मूल्यका आधारमा कारोबारमा आउनेछ ।  

कम्पनीले गत आवका लागि सेयरधनीहरुलाई १२ प्रतिशत बोनस सेयर र कर प्रयोजनाका लागि ०।६३२ प्रतिशत नगद लाभांश वितरणको प्रस्ताव गरेको छ ।

कम्पनीले १ः१ अनुपातमा रु. १०० अंकित दरका ४० लाख कित्ता हकप्रद जारी गर्दैछ । कम्पनीले शतप्रतिशत हकप्रद जारी गर्न नेपाल धितोपत्र बोर्डबाट माघ २१ गते अनुमति पाएको थियो ।