जर्मन पुनर्बीमक म्युनिख रिले १ हजार कर्मचारी कटौती गर्ने

काठमाण्डौ । म्युनिख रि को प्रमुख बीमा शाखा एर्गोले जर्मनीमा करिब १ हजार कर्मचारी कटौती गर्ने योजना बनाएको छ । एआईको व्यापक प्रयोगका कारण ठूलो संख्यामा कर्मचारी कटौती गर्न लागिएको जनाइएको छ ।

यसबाट मुख्य गरी साधारण र दोहोरिने कार्यमा संलग्न टेलिफोनी र दाबी प्रक्रियामा संलग्न कर्मचारीहरु प्रभावित हुने जनाइएको छ । कटौती प्रक्रिया २०३० सम्म पाँच वर्षको अवधिमा क्रमशः हुनेछ, र कम्पनीले यस समयमा जबर्जस्ती निकाल्ने कार्य नहुने दाबी गरेको छ।

वित्तीय क्षेत्रमा कार्यरत कम्पनीहरूले सेवाको गति बढाउन र लागत घटाउन एआईको प्रयोग बढाउँदै आएका छन्। गत वर्षको अन्त्यमा आईएनजी ग्रोईपी एनपीले डिजिटलाइजेशन, एआई, र ग्राहकको परिवर्तनशील आवश्यकताका कारण करिब १ हजार कर्मचारी जोखिममा पर्ने जानकारी दिएको थियो। जर्मनीको अर्को बीमा कम्पनी एलियान्ज एसईको एक इकाईले पनि आगामी वर्षहरूमा एआईको उपयोगको समीक्षा गरिरहेको जनाएको छ ।

म्युनिख रिका अनुसार, कम्पनीले जटिलता घटाएर वार्षिक लागत बचत करिब ६०० युरो मिलियनसम्म पुर्‍याउने योजना बनाएको छ, जसले मुद्रास्फीतिका कारण बढेको खर्चलाई कम गर्न मद्दत गर्नेछ।

कम्पनीले रोजगारी कटौती बाहेक, आगामी दुई वर्षमा करिब ५०० कर्मचारीलाई पुनः प्रशिक्षण गरी कम्पनीभित्रै अन्य पदमा स्थानान्तरण गर्ने योजना पनि राखेको छ ।

जर्मनीमा एर्गोमा करिब १५ हजार कर्मचारी कार्यरत छन्।