आज सर्वाधिक कारोबार गर्ने टप १० ब्रोकर, ६ वटाबाट उच्च खरिद माग

काठमाण्डौ । सेयरबजारमा आज साढे ५ अर्ब रुपैयाँमाथिको सेयर कारोबार भएको छ । आज सर्वाधिक कारोबार गर्ने टप १० ब्रोकर कम्पनीमा ६ वटाबाट उच्च खरिद भएको छ भने ४ वटाबाट उच्च बिक्री भएको छ ।  

उच्च खरिद गर्ने ब्रोकरहरुमा अनलाइन सेक्युरिटिज, त्रिशक्ति सेक्युरिटिज, सनि सेक्युरिटिज, भिजन सेक्युरिटिज, डायनामिक मनि म्यानेजर्स र भृकुटी स्टक ब्रोकिङ कम्पनी रहेका छन् ।  

त्यस्तै, उच्च बिक्री गर्ने ब्रोकरहरुमा नासा सेक्युरिटिज, आकाशभैरव सेक्युरिटिज, इम्पेरियल सेक्युरिटिज र नेपाल स्टक हाउस रहेका छन् ।   

आज सर्वाधिक कारोबार गर्ने ब्रोकर कम्पनीमा आकाशभैरव सेक्युरिटिज रहेको छ । उक्त ब्रोकरबाट आज मात्रै ६६ करोड रुपैयाँमाथिको सेयर कारोबार भएको छ । जसमा ४८.७२ प्रतिशत सेयर खरिद भएको छ भने ५१.२८ प्रतिशत सेयर बिक्री भएको छ ।