सुपर खुदी हाइड्रोपावरको आइपीओ सूचीकृत, कति पायो ओपनिङ रेञ्ज ?

काठमाण्डौ । नेपाल स्टक एक्सचेञ्ज (नेप्से)मा सुपर खुदी हाइड्रोपावरको आइपीओ सूचीकृत भएको छ । कम्पनीको आइपीओ ‘एसकेएचएल’ सिम्बोलबाट सूचीकृत भएको हो । 

कम्पनीको अंकित मूल्य १०० रुपैयाँ दरको कुल १ करोड ५५ लाख कित्ता सेयर सूचीकृत भएको हो । जसमा १ करोड २४ लाख कित्ता संस्थापक सेयरधनीहरुले लगानी गरेको र ३१ लाख कित्ता सर्वसाधारणहरुलाई बिक्री गरिएको सेयर रहेको छ ।

नेप्सेले कम्पनीको सेयर पहिलो कारोबारको लागि १०० रुपैयाँ ओपनिङ रेञ्ज तोकेको छ । सोही मूल्यकै आधारमा भोलिदेखि कम्पनीको कारोबार खुल्नेछ ।