एसवाई प्यानलको लक इन अवधि वैशाखमा समाप्त हुने

काठमाण्डौ । एसवाई प्यानल नेपाल लिमिटेडको लक इन अवधि आगामी वैशाख महिनामा समाप्त हुने भएको छ । सामूहिक लगानी कोषका लागि सुरक्षित गरिएको कम्पनीको २ लाख ४८ हजार ५४६ कित्ता सेयरको लक इन अवधि वैशाख २९ गते समाप्त हुन लागेको हो ।

कम्पनीको सामूहिक लगानी कोषहरुको लागि सुरक्षित गरिएको सेयर सर्वसाधारणमा सेयर बाँडफाँड भएको मितिले ६ महिनासम्म लकइनमा राखिएको थियो ।

कम्पनीले गत कात्तिक १९ गतेदेखि २३ गतेसम्म सर्वसाधारणका लागि आईपीओ जारी गरेको थियो । उक्त आईपीओ बाँडफाँड गत कात्तिक ३० गते भएको थियो ।