_New.gif)
.gif)
.png)
काठमाण्डौ । गूगलले अपग्रेड‘फाइन्ड माई डिभाइस’ नेटवर्क लाई रोलआउट गरेको छ । यो नयाँ क्याप्याबिलिटीका साथ जारी गरिएको छ । जसपश्चात अब अफलाइन वा स्विच अफ भएको फोनलाई पनि सजिलै सर्च गर्न सकिनेछ ।
अहिले यो फिचर अमेरिका र क्यानडामा मात्रै जारी गरिएको छ । यसलाई आगामी दिनमा विश्वका अन्य देशहरुमा समेत विस्तार गरिने जनाइएको छ ।
फाइन्ड माई डिभाइसले क्राउडसोर्स्ड नेटवर्कमा काम गर्छ । यो नेटवकर्ले हराएको वा चोरी भएको स्मार्टफोन खोज्न सहयोग गर्नेछ । गूगलको फाइन्ड माई डिभाईस एप्पलको फाइन्ड माई नेटवर्क जस्तै हो ।
यो अपग्रेडेड फाइन्ड माई डिभाइसले एन्ड्रोइड ९ वा यो भन्दा माथिको भर्जनमा काम गर्नेछ ।
नयाँ फाइन्ड माई डिभाइस नेटवर्क प्रयोगकर्ताहरुका लागि धेरै नै उपयोगी साबित हुने बताइएको छ । यसले लेटेस्ट मोबाइल र ट्याब्लेटलाई अफलाइन हुँदा पनि खोज्न सहयोग गर्नेछ । यो नयाँ अपडेटबाट प्रयोगकर्ताले अफलाइन मोबाइलको रिंग बजाउन सक्नेछन् र गूगल म्यापमा त्यसको लोकेशन पनि देख्न सक्नेछन् ।
पुरानो फाइन्ड माई डिभाइस सर्भिसका लागि भने इन्टरनेटको आवश्यकता पर्दथ्यो । अर्थात मोबाइल वा ट्याब्लेट हराउँदा त्यसमा इन्टरनेट कनेक्सन हुनु पर्थ्यो ।
रिपोर्टका अनुसार अपग्रेडेड फाइन्ड माई नेटवर्कले मोबाइल स्विच अफ हुँदा पनि त्यसको लोकेशन खोज्न सकिनेछ । हाललाई यो फिचर्स पिक्सेल ८ र पिक्सेल ८ प्रोमा उपलब्ध हुनेछ ।
.png)
.gif)
