_New.gif)
.gif)
.jpg)
.png)
काठमाण्डौ । हङकङका भन्सार अधिकारीहरुले १४९ किलो अवैध सुन जफत गरेका छन् । जापान जान लागेको मालवाहक जहाजबाट अधिकारीहरुले १० मिलियन डलरबराबरको १४९ किलो सुन जफत गरेका हुन् ।
हङकङमा जफत गरिएको यो अहिलेसम्मकै सबैभन्दा ठूलो परिमाणको सुन हो । यो सुन गत मार्च २७ गते हंगकंग अन्तराष्ट्रिय विमानस्थलमा जफत गरिएको थियो । भन्सार अधिकारीहरुले मालवाहक विमानमार्फत जापान लग्न लागिएको दुईवटा ‘एअर कम्प्रेसर’जाचँ गर्ने क्रममा अवैध सुन पत्ता लगाएका हुन् ।
एअर कम्प्रेसर विभिन्न औद्योगिक र खानी उत्खनमा प्रयोग गरिन्छ । यसको प्रयोग डाईभिङमा प्रयोग हुने ग्यास सिलेण्डर भर्न प्रयोग हुने गर्छ । यो विशेष गरेर कास्ट आइरन र अल्मुनियमबाट बनेको हुन्छ ।
तर एअर कम्प्रेसरको एक्स–रे गर्दा भन्सार अधिकारीहरुले मेशिनको मुख्य भागमा सुनलाई चलाखीपूर्वक बंगाएर राखिएको पत्ता लगाएका थिए । मेशिनको भाग र सुनको भागमा एउटै देखाउन सिल्भर रंग प्रयोग गरिएको रिपोर्टमा जनाइएको छ ।
हङकङमा पहिलोपटक तस्करहरुले यस्तो तरिकाले सुनको तस्करी गरेको पाइएको भन्सार अधिकारीले बताएका छन् । यो घटनामा संलग्न ३१ वर्षिय एक व्यक्तिलाई गत अप्रिल ३ गते पक्राउ गरिएको थियो । अहिले उनलाई जमानतमा छाडिएको अन्राष्ट्रिय मिडियाहरुले बताएका छन् ।
.png)
.jpg)
.jpg)
.gif)
