अपर तामाकोशीमा दुईजना स्वतन्त्र सञ्चालक नियुक्त

काठमाण्डौ । अपर तामाकोशी हाईड्रोपावर लिमिटेडमा दुईजना स्वतन्त्र सञ्चालक नियुक्त भएका छन् । कम्पनीको स्वतन्त्र सञ्चालक पदमा डा. अवतार न्यौपाने र डा. छत्र बहादुर बस्नेत रहेका छन् ।  

गत फागुन ३० गते बसेको कम्पनीको सञ्चालक समितिको बैठकले दुवैजनालाई कम्पनीको १६ औं र १७ औं वार्षिक साधारण सभाबाट अनुमोदन हुनेगरी स्वतन्त्र सञ्चालक पदमा नियुक्त गर्ने निर्णय गरेको थियो ।  

कम्पनीको १६ औं र १७ औं वार्षिक साधारण सभा गत चैत २९ गते सम्पन्न भएको थियो । उक्त सभाबाट दुईजना कम्पनीको स्वतन्त्र सञ्चालक नियुक्ती गर्ने प्रस्ताव अनुमोदन गरिएको थियो ।