नेपाल टेलिकमले कमायो रु.६.२७ अर्ब नाफा, बुकभ्यालु ५५०.८० रुपैयाँ

काठमाण्डौ । नेपाल टेलिकमले ६ अर्ब रुपैयाँ भन्दा बढी नाफा कमाउन सफल भएको छ  । चालु आवको तेस्रो त्रैमाससम्म कम्पनीले ६ अर्ब २७ करोड २९ लाख रुपैयाँ नाफा कमाएको छ ।  

यो नाफा गत आवको सोही अवधिसम्मको तुलनामा ९.८५ प्रतिशत बढी हो । गत आवको तेस्रो त्रैमाससम्म कम्पनीले ५ अर्ब ७१ करोड ५ लाख रुपैयाँ नाफा कमाएको थियो ।  

कम्पनीको कुल आम्दानीमा सुधार देखिदा नाफा पनि सामान्य बढ्न पुगेको हो । कम्पनीले सो अवधिसम्म २८ अर्ब ८५ करोड ४८ लाख रुपैयाँ कुल आम्दानी गरेको छ । यो आम्दानी गत आवको तुलनामा १.४९ प्रतिशत बढी हो ।  

कम्पनीको प्रतिसेयर आम्दानी ४२.३० रुपैयाँबाट बढेर ४६.४७ रुपैयाँ पुगेको छ भने कम्पनीको बुकभ्यालु ५५०.८० रुपैयाँ रहेको छ । यस्तै पीई रेसियो १८.३४ गुणा, प्रतिसेयर कुल सम्पत्तिको मूल्य ७५१.८२ रुपैयाँ र करेन्ट रेसियो २.४२ प्रतिशत रहेको छ ।