शीर्ष ८ ब्रोकरबाट उच्च खरिद माग, कुनबाट कति ?

काठमाण्डौ । बुधबार सेयरबजारमा २ अर्ब रुपैयाँमाथिको सेयर कारोबार भएको छ । आज सर्वाधिक कारोबार गर्ने टप १० ब्रोकर कम्पनीमा ८ ब्रोकरबाट उच्च खरिद माग भएको छ भने २ वटाबाट मात्रै उच्च बिक्री भएको छ ।  

उच्च खरिद गर्ने ब्रोकरहरुमा नासा सेक्युरिटिज, सनि सेक्युरिटिज, इम्पेरियल सेक्युरिटिज, त्रिशक्ति सेक्युरिटिज, भिजन सेक्युरिटिज, आर्यतारा इन्भेष्टमेन्ट एण्ड सेक्युरिटिज, क्यापिटल म्याक्स सेक्युरिटिज र डायनामिक मनि म्यानेजर्स रहेका छन् ।  

त्यस्तै, उच्च बिक्री गर्ने ब्रोकरहरुमा भने अनलाइन सेक्युरिटिज र नबिल स्टक डिलर मात्रै रहेका छन् ।  

आज सर्वाधिक कारोबार गर्ने ब्रोकर कम्पनीमा नासा सेक्युरिटिज रहेको छ । यो ब्रोकरबाट आज ४३ करोड रुपैयाँमाथिको सेयर कारोबार भएको छ । जसमा ५३.३२ प्रतिशत सेयर खरिद भएको छ भने ४६.६८ प्रतिशत सेयर बिक्री भएको छ ।