साल्ट ट्रेडिङको नाफा ९४% ले बढ्यो, ईपीएस ३६.१९ रुपैयाँ पुग्यो

काठमाण्डौ । साल्ट ट्रेडिङ कर्पोरेशन लिमिटेडको आम्दानी बढेसँगै नाफा वृद्धि भएको छ । कम्पनीले चालु आवको तेस्रो त्रैमाससम्म ९ करोड ५७ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ९४.४७ प्रतिशतले बढी हो । अघिल्लो आवको सोही अवधिसम्म भने कम्पनीले ४ करोड ९२ लाख रुपैयाँबराबरको खुद नाफा कमाएको थियो ।

कम्पनीले बिक्रीमार्फत ६ अर्ब ६१ करोड रुपैयाँ आर्जन गरेको छ । अघिल्लो आवमा भने कम्पनीले बिक्रीमार्फत ६ अर्ब ७८ करोड रुपैयाँ आर्जन गरेको थियो । कम्पनीले यो अवधिसम्म २३ करोड ८२ लाख रुपैयाँबराबरको अन्य आम्दानी गरेको छ ।  

कम्पनीले कर्मचारी खर्च २७ करोड ९२ लाख, ब्याज खर्च १८ करोड ६३ लाख , ह्रासकट्टी खर्च १ करोड ३ लाख र ९ करोड ६६ लाख रुपैयाँबराबरको प्रशासनिक खर्च गरेको छ । कम्पनीको जगेडा तथा मुनाफा कोषको आकार १ अर्ब ४० करोड रुपैयाँ रहेको छ । कम्पनीको चालु सम्पत्ति ७ अर्ब ९४ करोड र कुल चालु दायित्व ८ अर्ब ४९ करोड रुपैयाँ रहेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस)३६.१९रुपैयाँ, प्रतिसेयर नेटवर्थ ३७५.७ रुपैयाँ, प्रतिसेयर कुल सम्पत्तिको मूल्य २ हजार ९०६.३० रुपैयाँ र मूल्य आम्दानी अनुपात १८५.०४ गुणा कायम भएको छ ।