नेपाल लाइफ इन्स्योरेन्सको सीईओमा दोहोरिए पराजुली

काठमाण्डौ । नेपाल लाइफ इन्स्योरेन्स कम्पनी लिमिटेडको प्रमुख कार्यकारी अधिकृत(सीईओ)मा प्रवीण रमण पराजुली पुनःनियुक्त भएका छन् । जेठ २९ गते बसेको कम्पनीको सञ्चालक समितिको ४१७ औं बैठकले पराजुलीलाई कम्पनीको सीईओमा दोहोर्याउने निर्णय गरेको हो ।

उनको कार्यकाल ४ वर्षको हुनेछ । पराजुली कम्पनीमा सीईओको रुपमा सन् २०२२ जुलाई २० मा नियुक्त भएका थिए । सीईआमा नियुक्त हुनुअघि उनी कम्पनीमा सिनियर डेप्युटी सीईओको रुपमा कार्यरत थिए ।

नेपाल लाइफमा आउनुअघि उनी रिलायन्स लाइफ इन्स्योरेन्सको सीईओको रुपमा कार्यरत थिए । पराजुलीले काठमाण्डौ युनिभर्सिटी अफ म्यानेजमेन्टबाट फाइनान्समा स्नाकोत्तर गरेका छन् । उनीसँग नेपालको बीमा क्षेत्रमा दुई दशकभन्दा लामो अवधि काम गरेको अनुभव रहेको छ ।