(2).gif)
.png)
काठमाण्डौ । सरकारले जेनजी आन्दोलनका शहीद परिवार तथा घाइतेका लागि स्वीकृत एकीकृत सहायता प्याकेज शीघ्र कार्यान्वयन गर्ने निर्णय गरेको छ।
सोमबार बसेको सरकारका सचिवहरूको बैठकले मन्त्रिपरिषद्बाट गत असार १८ गते स्वीकृत प्याकेज तत्काल कार्यान्वयनमा लैजाने निर्णय गरेको हो।
बैठकको निर्णयमा भनिएको छ, ‘जेन–जी आन्दोलनका शहीद परिवार र घाइतेहरूका लागि नेपाल सरकार मन्त्रिपरिषद्ले मिति २०८३ असार १८ गते स्वीकृत गरेको एकीकृत प्याकेजको शीघ्र कार्यान्वयन गर्ने–गराउने।’
सरकारले प्याकेज स्वीकृत गरे पनि कार्यान्वयनमा ढिलाइ भइरहेको अवस्थामा सचिवहरूको बैठकले सम्बन्धित निकायलाई प्रक्रिया अघि बढाउन निर्देशन दिएको हो।
एकीकृत प्याकेजमा समेटिएका राहत, उपचार, क्षतिपूर्ति तथा अन्य सुविधाबारे भने निर्णयमा विस्तृत विवरण खुलाइएको छैन।
.png)
.jpg)
.jpg)
.jpeg)
